ԹԵ ԻՆՉՈՒ Է ՓԵՍԱՆ ԴԱՆԱԿԱՀԱՐԵԼ ԱՆԵՐՈՋՆ ՈՒ ԱՆԵՐՈՐԴՈՒՆ

ԹԵ ԻՆՉՈՒ Է ՓԵՍԱՆ ԴԱՆԱԿԱՀԱՐԵԼ
ԱՆԵՐՈՋՆ ՈՒ ԱՆԵՐՈՐԴՈՒՆ

Դեկտեմբերի 11-ին`  Կոտայքի մարզի Արգել գյուղում կենցաղային հարցի շուրջ ծագած վիճաբանության ժամանակ փեսան դանակով հարվածել է Սայադյանի կրծքավանդակին` սպանելով նրան: Միջադեպի ժամանակ մարմնական վնասվածք է ստացել նաեւ Սայադյանի որդին, ով կանխելու նպատակով միջամտել է հոր եւ փեսայի միջեւ վիճաբանությանը: Դեպքի մասին որոշ մանրամասներ փորձեցինք պարզել նախ Արզականի գյուղապետ Նորիկ Մովսիսյանից, քանի որ սպանվածը եւ դանակահարվածը հենց այդ գյուղից են: Մեզ հետ զրույցում գյուղապետը նշեց.
-Խնամիներից մեկին դուր չի եկել մյուսի` հեռախոսով խոսելու տոնը, զանգել է, ժամադրել` հարցեր պարզելու համար: Արդյունքում` ալկոհոլի ազդեցության տակ խնամիները սկսել են թունդ վիճել, փեսան էլ խառնվել է, որ բաժանի, հանդարտեցնի վեճը, բայց վեճն այնքան է թեժացել, որ փեսան հանել է դանակը եւ առանց հասկանալու, թե ինչ է անում` նախ դանակահարել է աներոջը, ապա` աներորդուն: Աները մահացել է, իսկ որդու վիճակը բավարար է, քերծվածքներ է ստացել:
Դեպքի մասին առավել մանրամասն, ինչպես նաեւ խնամիների միջեւ առաջացած վեճի պատճառների մասին մեզ պատմեց փեսայի կողմից սպանված Սայադյանի մեծ եղբայրը` Սահակը, ով նշեց, որ եղբայրը մեկ շաբաթ առաջ էր ՌԴ-ից վերադարձել Հայաստան, իսկ փեսայի հետ  չորս տարի առհասարակ չի շփվել, քանի որ չորս տարի առաջ կոնֆլիկտ են ունեցել.
- Սա չորս տարի առաջվա եղբորս եւ իր փեսայի միջեւ վիճաբանության` լեզվակռվի հետեւանքն էր: Էս չորս տարիների ընթացքում ո՛չ փեսան, ո՛չ հայրը, ո՛չ մայրը այստեղ չեն եկել: Եղբայրս ութ ամիս ՌԴ-ում էր ու նոր էր վերադարձել: Վերադառնալուն պես ցանկացել է զանգել խնամուն` փեսու հորը, որ իմանա` ինչպես են, ու այդտեղից կրկին շարունակվել է վեճը: Հետո հանդիպել են եւ վեճը նոր թափ ստանալով` շարունակվել է: Արդյունքումª եղբայրս սպանվել է, իսկ եղբորս որդին վնասվել:
- Իսկ չորս տարի առաջ ինչի՞ համար են վիճաբանել Ձեր եղբայրն ու փեսան:
-  Տունը առիթ է եղել, արդեն սպանված եղբայրս փեսային ասել է` գնա դինամիկները բեր, որ երաժշտության ձայնը բարձր հնչի: Փեսան բերել է դինամիկները, դրել, սակայն ձայնը այնքան էլ բարձր չի եղել: Եղբայրս հայհոյել է` ասել է քո սենց-նենցը, որ բերել եսª ձայն տուր: Դա եղել է պատճառը, որ փեսան դրանից հետո` չորս տարվա ընթացքում ոչ մի անգամ չի եկել: Խոսում են, թե թշնամություն ենք ունեցել եւ այլն, բայց եղբայրս հիշաչար չէր, իր թոռնիկներին իրենից շատ էր սիրում, միշտ աղջկա գալուց (փեսան ու հայրը չէին գալիս էդ դեպքից հետո)` նվերներով էր ճանապարհում, էլ չեմ ասում ֆինանսական աջակցության մասին:  

ԻԼՈՆԱ ԱԶԱՐՅԱՆ