Մինչ հայաստանյան ոչ միայն գազալցակայաններում, այլ նաեւ մյուս գրեթե բոլոր ապրանքային շուկաներում իսկական գնային հրավառություն է ընթանում, իր պակաս տպավորիչ թռիչքն է շարունակում նաեւ դոլարի փոխարժեքը:
Ընդ որումª այստեղ էլ իր հերթին "տարօրինակությունների" պակաս ամենեւին էլ չի զգացվում: Որպես օրինակ` բերենք երեկվա երկու տեղեկատվությունը: Առաջինի համաձայնª հայաստանյան միակ արժութային բորսայումª ""ՆԱՍԴԱՔ ՕԷՄԷՔՍ ԱՐՄԵՆԻԱ" ԲԲԸ-ում ԱՄՆ դոլարով գործարք չի կնքվել": Իսկ ահա ՀՀ Կենտրոնական բանկից էլ տեղեկացրին, որ նույն օրը ԿԲ-ն իրականացրել է. "4 մլն ԱՄՆ դոլարի վաճառք` 494.46 ՀՀ դրամ` 1 ԱՄՆ դոլարի դիմաց միջին կշռված փոխարժեքով: Սահմանային փոխարժեքը կազմել է 493.00 ՀՀ դրամ 1 ԱՄՆ դոլարի դիմաց": Այս առնչությամբ որոշ հարցերի հետ կապված` երեկ չհաջողված մանրամասներ պարզել: Սակայն եթե ԿԲ-ն դոլար վաճառել է, իսկ բորսայում գործարք չի գրանցվել, ապա հարց է ծագումª ԿԲ-ն որտեղ եւ ում է այդ դոլարը վաճառել: Կամ, եթե ԿԲ-ն բորսայով չէ դոլարը հանում վաճառքի, ապա ինչպե՞ս է փոխարժեքը որոշվում:
1
3116 դիտում
2
2464 դիտում
3
2378 դիտում
4
2109 դիտում
5
2007 դիտում
