"ԱՐԱՅԻ" ՄԱՀԱՑԱԾ ՍԵՓԱԿԱՆԱՏԻՐՈՋ ԴՍՏԵՐ ԽՆԱՄԱԿԱԼՈՒԹՅԱՆ ՊԱՅՔԱՐԸ ԴԵՌ ՇԱՐՈՒՆԱԿՎՈՒՄ Է
"Արայ" ընկերության սեփականատեր, 2012 թվականի հոկտեմբերի 16-ին, նախնական վարկածով, ինքնասպանություն գործած Արմեն Պետրոսյանի այրին եւ մայրը մինչեւ հիմա պայքարում են նրա միակ ժառանգիª անչափահաս Կարինայի համար: Թեեւ փոքրիկը այս պահին մոր հետ արտերկրում է, բայց Կարինե Սուքիասյանը դիմել է դատարան` Տատյանա Չադենկովային մայրական իրավունքից զրկելու հայցով:
Հիշեցնենք, որ մայրն ու տատը երկար ժամանակ դատարանով վիճարկում էին Կարինայի խնամակալության հարցը, եւ մոտ երկու տարի տեւած դատական քաշքշուկներից հետո աղջկան վերադարձրին մորը, ով երեխայի հետ հեռացավ Հայաստանից: Իսկ այժմ դատարանը որոշել է վերսկսել Կարինե Սուքիասյանի` պատասխանող Տատյանա Չադենկովայի, Երեւանի Արաբկիր վարչական շրջանի խնամակալության ու հոգաբարձության հանձնաժողովի` ծնողական իրավունքներից զրկելու պահանջի մասին քաղաքացիական գործի վարույթը: Այս մասին մեզ տեղեկացրեց առեղծվածային պայմաններում մահացած Արմեն Պետրոսյանի այրու` Տատյանա Չադենկովայի փաստաբան ՆԱՐԻՆԵ ՌՇՏՈՒՆԻՆ: - Երեխան արդեն երկու տարի է Տատյանայի մոտ է, եւ ես չեմ պատկերացնում, որ որեւիցե հիմք կա` մորը ծնողական իրավունքից զրկելու համար: Ակնհայտ անհիմն հայց է, որից ես չգիտեմ, թե իրենք ինչ ակնկալիք ունեն: Ամեն դեպքումª չեմ պատկերացնում, թե դատարանում կարող են հիմնավորել նման մի բան: Երեխան մոր մոտ է, ամեն ինչ նորմալ է, լավ ապրում են, իսկ այս հայցը աբսուրդ է: Երկու տարի` առանց որեւէ հիմնավորման, փորձում են Տատյանային զրկել մայրական իրավունքից:
1
3116 դիտում
2
2469 դիտում
3
2109 դիտում
4
2007 դիտում
5
1682 դիտում
