ՇՄԱՎՈՆ ՇՄԱՎՈՆՅԱՆ. "ՆԿԱՐԻ ՄԵՋ ՏՐԱՄԱԴՐՈՒԹՅՈՒՆ ՊԵՏՔ Է ԼԻՆԻ"
ՀՀ վաստակավոր նկարիչ ՇՄԱՎՈՆ ՇՄԱՎՈՆՅԱՆԻՆ էին հյուրընկալվել ՀՊՄՀ-ի հեռուստալրագրության երկրորդ կուրսի ուսանողները: Վարպետաց դասը նկարչի ցուցասրահում էր, իսկ նախաձեռնողը` բանասիրական գիտությունների դոկտոր, պրոֆեսոր Սերգո Երիցյանը:
Նկարները դիտելուց եւ ուսումնասիրելուց հետո ուսանողներն անձամբ նկարչից ցանկացան պարզել իրենց հետաքրքրող նկարների "ասելիքն" ու դրանց ստեղծման շարժառիթները: Շմավոն Շմավոնյանը մեծ սիրով պատասխանեց ուսանողների բոլոր հարցերին ու ներկայացրեց նկարչության վերաբերյալ ունեցած իր հայացքներն ու պատկերացումները: "Նկարչությունն իմ կենսակերպն է: Ես նկարչի աչքով եմ նայում գեղեցիկին, ինչը կարողանում եմ տեսնել ու հասկանալ: Նկարի մեջ տրամադրություն պետք է լինի, որովհետեւ նկարչությունն իր էությամբ զգացմունք է: Յուրաքանչյուրն իր ձեւով կմեկնաբանի նույն նկարը, բայց ամենակարեւորն այն է, թե ամեն մեկդ ինչպես եք տեսնում եւ ինչպես եք ընկալում, որովհետեւ նկարի մեջ մեծ խորություն ու տարածություն կա: Սա է նկարչության ընդհանուր իմաստն ու գաղափարը": Ուսանողները նաեւ տեսանյութեր դիտեցին, որոնցում ներկայացվում էին Շմավոն Շմավոնյանի` Սաքրամենտոյում տեղի ունեցած ցուցահանդեսի պատառիկները: "Ես կարծում եմ, որ այսպիսի շփումները անհրաժեշտ են ձեզ, մանավանդ` այսքան ինքնատիպ, այսքան հետաքրքիր ու տաղանդավոր նկարչի հետ",- նշեց Սերգո Երիցյանը: Իսկ ուսանողները հրաժեշտից առաջ հույս հայտնեցին, որ հաջորդ հանդիպումը կլինի նկարչի արվեստանոցում:
1
3116 դիտում
2
2469 դիտում
3
2109 դիտում
4
2007 դիտում
5
1682 դիտում
