ԱՆՈՒՇ ՍԵԴՐԱԿՅԱՆ. «ԼԵՎՈՆ ՏԵՐ -ՊԵՏՐՈՍՅԱՆԸ ԳՈՒՑԵ ՄԵՍԻՋ Է ՈՒՂԱՐԿՈՒՄ ՌՈՒՍԱՍՏԱՆԻՆ» ՏԵՍԱՆՅՈՒԹ

ԱՆՈՒՇ ՍԵԴՐԱԿՅԱՆ. «ԼԵՎՈՆ ՏԵՐ-ՊԵՏՐՈՍՅԱՆԸ  ԳՈՒՑԵ ՄԵՍԻՋ

Է ՈՒՂԱՐԿՈՒՄ ՌՈՒՍԱՍՏԱՆԻՆ» ՏԵՍԱՆՅՈՒԹ

«Ազատ դեմոկրատներ»  կուսակցության անդամ Անուշ Սեդրակյանից «Իրավունքը» հետաքրքրվեց` ինչպես է արձագանքում ՀՀ առաջին նախագահ Լեւոն Տեր-պետրոսյանի այն հայտարարությանը, թե ասոցացման համաձայնագիրը ստորագրելիս ՀՀ-ը ավելի շատ էր զիջելու իր անկախությունը, քան ԵՏՄ-ին անդամակցելիս: Ի պատասխան տիկին Սեդրակյանը հայտարարեց, որ ցանկացած ինտեգրացիոն գործընթացների մասնակցելիս ինչ-որ սահմանափակումներ տվյալ պետությունն ունենում է: «Բայց ասցացման համաձայնագրի ստորագրելու դեպքում, օրինակ, ներկրվող ու արտահանվող ապրանքների ստանդարտները Հայաստանը պետք է  պահպաներ: Չէր կարելի որոշակի վերապահումներ ունենալ մարդու իրավունքների հարցում»,- վստահ է մեր զրուցակիցը:

«Ազատ դեմոկրատներ» կուսակցության անդամի խոսքով` Հայաստանը ԵՏՄ-ին անդամակցելիս  հնարավոր է դառնա Ռուսաստանի կրկնօրինակը, որտեղ չեն պահպանվում մարդու իրավունքները:

Հստակեցրինք` Լեւոն Տեր-Պետրոսյանի` Հայաստանի` ԵՏՄ-ին անդամակցելու հայտարարությունն ի՞նչ համատեքստում էր, Անուշ Սեդրակյանն ասաց. «Հայաստանում ուժեղ է մտայնությունը, որ Ռուսաստանն է իշխանություն նշանակում մեզ մոտ: Եվ առաջին նախագահը գուցե մեսիջ է ուղարկում Ռուսաստանին` ասելով, որ ինքը շատ ավելի լավ դաշնակից ու կողմնակից կարող է լինել, քան ներկայիս իշխանությունները»:

Մանրամասները`տեսանյութում

ՍՈՆԱ ԴԱՎԹՅԱՆ