"Օրենքով գող" Անդրանիկ Սողոյանիª Զապի կալանքի որոշումը բողոքարկվել է: "Հիմա սպասում ենք, որպեսզի Չեխիայից ուղարկվեն քրեական գործի նյութերը",- մեզ հետ զրույցում ասաց "օրենքով գողի" փաստաբան ՎԱՀԱԳՆ ՄԱՐՏԻՐՈՍՅԱՆԸ:
ԿԱԽԱՂԱՆ ԱՍՏԻՃԱՆԱՀԱՐԹԱԿՈՒՄ
Մայրաքաղաքի Ուլնեցու փողոցում 62/1 շենքի 36-ամյա մի բնակչի դին հայտնաբերվել էր աստիճանահարթակում կախված: Դեպքը տեղի էր ունեցել ձմռան առաջին օրը: Այլ տեղեկություններ` հավանական ինքնասպանության այդ դեպքի մասին չեն հրապարակվել:
ՀԱՐՈՒՑՎԵԼ Է ՔՐԵԱԿԱՆ ԳՈՐԾ
Շուրջ մեկ ամիս առաջ` նոյեմբերի 10-ի լուսադեմին, Արարատի մարզային վարչության ոստիկանն իր եղբոր հետ ծեծել էր ոչ ոստիկան երկու եղբայրների, կոտրել նրանց Մերսեդեսի արեւի պաշտպանիչները, փախցրել ավտոմեքենան ու թալանել այն: "Իրավապահ" եղբայրներով արդեն զբաղվում են Հատուկ քննչականի մասնագետները` ՀՀ քրեական օրենսգրքի 118-րդ (ծեծը), 177-րդ (գողությունը), 183-րդ (ավտոմեքենային կամ տրանսպորտային այլ միջոցին ապօրինաբար տիրանալն առանց հափշտակելու նպատակի), 185-րդ (գույքը դիտավորությամբ ոչնչացնելը կամ վնասելը) հոդվածներով հարուցված քրեական գործի շրջանակներում:
ԴԱՆԱԿԱՀԱՐՈՒԹՅՈՒՆ
Նոյեմբերի 29-ի կեսգիշերին Երեւանի Ջիվանու փողոցում 20-ամյա մի երիտասարդ դանակահարել էր 1977 թ. ծնված տղամարդու: Ըստ ոստիկանության` բացատրական աշխատանքների շնորհիվ դանակահարողը ներկայացել էր բաժին եւ ներկայացրել հանցագործության գործիք դանակը: Տուժածը, գոտկային շրջանի ծակած-կտրած վերքով, գտնվում է հիվանդանոցում:
1
3116 դիտում
2
2469 դիտում
3
2109 դիտում
4
2007 դիտում
5
1682 դիտում
