ՓԱՇԻՆՅԱՆԻ ՆԱԽԱՁԵՌՆՈՒԹՅՈՒՆԸ ԹԻԹԵՌՆԻԿԻ ԿՅԱՆՔ ԿՈՒՆԵՆԱՐ. ԲՀԿ-ԱԿԱՆ ՊԱՏԳԱՄԱՎՈՐ

ՓԱՇԻՆՅԱՆԻ ՆԱԽԱՁԵՌՆՈՒԹՅՈՒՆԸ ԹԻԹԵՌՆԻԿԻ

ԿՅԱՆՔ ԿՈՒՆԵՆԱՐ. ԲՀԿ-ԱԿԱՆ ՊԱՏԳԱՄԱՎՈՐ

Հայտնի է, որ ՀԱԿ խմբակցության պատգամավոր Նիկոլ Փաշինյանի նախաձեռնած  Սերժ Սարգսյանի պաշտոնանկության գործընթացին միացան ընդամենը երեք պատգամավոր այն դեպքում, երբ ընդդիմությունը պահանջում էր ամբողջական իշխանափոխություն:«Իրավունքը» ԲՀԿ խմբակցության պատգամավոր Միքայել Մելքումյանից հետաքրքրվեց` այնուամենայնիվ, ինչո՞ւ ամբողջական իշխանափոխություն պահանջող ԲՀԿ-ը չմիացավ Փաշինյանի նախաձեռնությանը:  «Դա չաշխատող տարբերակ էր: Այդ նախաձեռնությունը թիթեռնիկի կյանք կունենար»,- ասաց  պատգամավորը:

- Կարծում եք 44 ստորագրություն չէ՞ր հավաքվի:

- Դա ինչ կապ ունի: Հետո ոչինչ չէր լինի: 88 ձայն էր պետք:

- Չե՞ք կարծում, որ Նիկոլ Փաշինյանը ԲՀԿ-ին եւ ընդդիմությանը  իր նախաձեռնությամբ գաղտնազերծեց:

- Ոչ: Չեմ կարծում: Ժողովուրդը գիտի, թե ով ով է: Մենք ունենք մեր ծրագրերը, ինչու պետք  է ինչ-որ մեկը կողքից մեզ  ինչ-որ բան անի:

- Արարատ Զուրաբյանը վերջերս հայտարարեց եւ կրկնեց  պարբերաբար հնչեցված այն   միտքը, թե «Եռյակի» թիկունքում   նախկին նախագահ Ռոբերտ Քոչարյանն  է կանգնած:

-Շատ մարդիկ շատ բան կարող են ասել: Հիմա ուզում եք, որ ով ինչ ասում է, ես մեկնաբանե՞մ: Ես համաձայն չեմ այդ    տեսակետին:

- «Եռյակի» թիկունքում Քոչարյանի ստվերն  են տեսնում…

-Դե թող տեսնեն: Մարդիկ ինչ ուզում են այն են տեսնում: Քոչարյանը «եռյակի»գործընթացների հետ կապ չունի:

- Մասնակցելո՞ւ եք դեկտեմբերի տասի հանրահավաքին:

- Ոչ, քանի որ  գործուղման են լինելու:

ՍՈՆԱ ԴԱՎԹՅԱՆ