"ՀԵՂԻՆ, ՀԻՄԱ Ո՞ՆՑ ՔՎԵԱՐԿԵՄ"
Արխիվ 12-16
"ՀԵՂԻՆ, ՀԻՄԱ Ո՞ՆՑ ՔՎԵԱՐԿԵՄ"
ԱԺ հերթական քառօրյայի ժամանակ մի ուշագրավ փաստ արձանագրեց "Իրավունքը": Քվեարկությունների ընթացքում նիստերի դահլիճի վերջին եւ նախավերջին շարքերում նստած պատգամավորների մոտ աշխուժություն էր տիրում: Բանն այն է, որ ՀՀԿ-ական ՍԱՄՎԵԼ ԱԼԵՔՍԱՆՅԱՆԻ մոտ բարձր տրամադրություն էր, որն արտահայտում էր` ՀԵՂԻՆԵ ԲԻՇԱՐՅԱՆԻ հետ զրուցելով. ամեն քվեարկությունից առաջ բարձրաձայն հարցնում էր. "Հեղին, հիմա ո՞նց քվեարկեմ, ասա, ոնց ասես` տենց էլ քվեարկեմ": Նշենք, որ այս մոտեցումը բավականին դուր էր գալիս տիկին Բիշարյանին, ով խմբակցության ղեկավարին հատուկ ոճով ուղղություններ էր տալիս Ս. Ալեքսանյանին` ասելով` հիմա կողմ քվեարկի, չէ, իսկ հիմա էլ` դեմ քվեարկի: Նկատենք, որ պարոն Ալեքսանյանը այդպես էլ անում էր, բացառությամբ այն օրենքների, որին կողմ կամ դեմ էր ՀՀԿ-ն: Փաստորեն, Բիշարյան-Ալեքսանյան քույր-եղբայրությունը դեռեւս ուժի մեջ է:
Ի դեպ, ՕԵԿ-ի խնդրած 20 րոպե ընդմիջումից հետո, երբ քվեարկության էր դրվել ՕԵԿ-ի հերթական նախագիծը, Բիշարյանը ձեռքերը սեղանին թեթեւ խփելով հորդորում էր գործընկերներին` կողմ քվեարկել: ՀՀԿ պատգամավոր Առաքել Մովսիսյանը Բիշարյանի այդ հորդորին ծիծաղով պատասխանեց եւ կատակով մատ թափ տվեց:
ԱՐՄԵՆՈՒՀԻ ՀԱԿՈԲՅԱՆ
1
3116 դիտում
2
2469 դիտում
3
2109 դիտում
4
2007 դիտում
5
1682 դիտում
