Գլխավոր բալետմեյստեր. «ԱՌԱՋ ՄԻՋԱԿՆ ԷԼ ԿԱՐՈՂ ԷՐ ՀՆՉԵԼ, ԲԱՅՑ ՀԻՄԱ ՄԻՋԱԿՈՒԹՅՈՒՆԸ ՉԻ ՀՆՉՈՒՄ»
Արխիվ 12-16
Գլխավոր բալետմեյստեր. «ԱՌԱՋ ՄԻՋԱԿՆ ԷԼ ԿԱՐՈՂ ԷՐ ՀՆՉԵԼ, ԲԱՅՑ ՀԻՄԱ ՄԻՋԱԿՈՒԹՅՈՒՆԸ ՉԻ ՀՆՉՈՒՄ»
Ալ. Սպենդիարյանի անվան օպերայի եւ բալետի ազգային ակադեմիական թատրոնի գլխավոր բալետմեյստեր, ՀՀ ժողովրդական արտիստ ՎԻԼԵՆ ԳԱԼՍՏՅԱՆԸ երիտասարդական խանդավառությամբ է խոսում Արամ Խաչատրյանի «Գայանե» բալետի մասին, որն արդեն 40 տարի է, ինչ նրա շնորհիվ բեմադրվում ու ներկայացվում է հազարավոր հանդիսատեսի ուշադրությանը: Հենց երիտասարդ պարողների ու մերօրյա հանդիսատեսի մասին էլ «Իրավունքը» զրուցեց վաստակաշատ բալետմեյստերի հետ:
- Պարոն Գալստյան, «Գայանե» բալետում ընդգրկված են մի քանի տասնյակ երիտասարդ պարողներ, ինչպե՞ս է Ձեզ հաջողվում համախմբել նրանց:
- Այս բալետում 70 հոգի է ընդգրկված: Իսկապես, դաժան ու շատ ծանր ներկայացում է` ե՛ւ գլխավոր դերակատարների, ե՛ւ խմբի տղաների ու աղջիկների համար: «Գայանեն» ծայրահեղ բարդ ներկայացում է, եւ եթե մի փոքր բաց ես թողնում, այն դառնում է ինքնագործ խումբ, եւ բեմադրությունն ավերվում է: Բայց աշխատում ենք պահպանել այն եւ այդ դեպքում է, որ արդյունքն էլ գեղեցիկ է լինում:
- Իսկ այսօրվա հանդիսատեսը որքանո՞վ է տարբերվում, ասենք 40 տարի առաջվա հանդիսատեսից:
- Օրեցօր խստանում են հանդիսատեսի պահանջները, որովհետեւ առաջ եվրոպական բալետ մենք շատ քիչ էինք տեսնում, քանի որ հեռուստատեսությունը քիչ էր ցուցադրում: Իսկ հիմա բաց ճանապարհներ են, ամեն ինչ տեսնում ենք, եւ ամեն ինչ համեմատության մեջ է: Եվ առաջ միջակն էլ կարող էր հնչել, բայց հիմա միջակությունը չի հնչում: Նշեմ, որ վերջերս «Գայանեն», երբ տարանք Պետերբուրգ, 3 հազար հանդիսատես հոտնկայս 18 րոպե ծափահարել է այս երիտասարդներին:
ՀՐԱՆՏ ՍԱՐԱՖՅԱՆ
Հ. Գ.- Հարցազրույցն ամբողջությամբ կարդացե՛ք հետեւյալ հղումով`
1
3116 դիտում
2
2469 դիտում
3
2109 դիտում
4
2007 դիտում
5
1682 դիտում
