ԼՐԱԳՐՈՂՆԵՐԸ ՄԱՐՏԱՀՐԱՎԵՐ ԵՆ ՆԵՏՈՒՄ ԲՆԱՊԱՀՊԱՆԱԿԱՆ ՀԻՄՆԱԽՆԴԻՐՆԵՐԻՆ` ՓՆՏՐԵԼՈՎ ԼՈՒԾՄԱՆ ՈՒՂԻՆԵՐ

ԼՐԱԳՐՈՂՆԵՐԸ ՄԱՐՏԱՀՐԱՎԵՐ ԵՆ ՆԵՏՈՒՄ ԲՆԱՊԱՀՊԱՆԱԿԱՆ

ՀԻՄՆԱԽՆԴԻՐՆԵՐԻՆ` ՓՆՏՐԵԼՈՎ ԼՈՒԾՄԱՆ ՈՒՂԻՆԵՐ

«Հանուն Կայուն Մարդկային Զարգացում» հասարակական կազմակերպության եւ ՀՀ նախագահի գործընկեր կազմակերպության` Հայաստանի Երիտասարդական հիմնադրամի աջակցությամբ կայացավ երիտասարդ լրագրողների  քառօրյա «Բնապահպանական հիմնախնդիրները եւ լրագրողները մարտահրավերները եւ լուծումները» խորագիրը կրող էկոլոգիական դասընթացը: Շուրջ 20 մարզային եւ երեւանյան լրագրող, այդ թվում նաեւ «Իրավունքը», հնարավորություն ունեցան նոր էկոլոգիական ծրագրեր մշակել, լսել բնապահպանական հիմնախնդիրների մասին մասնագետներից ու դրանց լուծման համար միասնական ուղիներ փնտրել` շեշտը դնելով ճիշտ լուսաբանման ու բնապահպանական լոբբինգի վրա: Քառօրյա դասընթացների ընթացքում իրենց դասախություններով հանդես եկան բնապահպան, ՀՀ պետական եւ հասակակական գործիչ, «Հանուն կայուն մարդկային զարգացման» ասոցիացիայի նախագահ ԿԱՐԻՆԵ ԴԱՆԻԵԼՅԱՆԸ, «Մեդիամաքսի» գլխավոր խմբագիր ԴԱՎԻԹ ԱԼԱՎԵՐԴՅԱՆԸ, «Հանուն մարդկային կայուն զարգացման» ասոցիացիայի երիտասարդական թեւի նախագահ ԼԻԱՆԱ ՆԵՐՍԻՍՅԱՆԸ եւ այլք: Տիկին Դանիելյանը մասնակիցներին ծանոթացրեց կայուն զարգացման հայեցեկարգին, էկոլոգիական խնդիրները լուսաբանելիս նոր եւ  այլընտրանքային մեդիաների հնարավորությունների օգտագործման մասին խոսեց պարոն Ալավերդյանը, իսկ Լ. Ներսիսյանը  բավական ուշագրավ ինտերակտիվ դասախություն-քննարկում կազմակերպեց լրագրողների հետ:

Ի դեպ, ինչպես կանխավ նշել էին կազմակերպիչները, ծրագրի նպատակն էր մասնակիցներին առավել ընդգրկուն եւ օբյեկտիվ տեղեկատվություն ներկայացնել հետեւյալ թեմաներով`

1. Տարածաշրջանային եւ համաշխարհային բնապահպանական հիմնախնդիրներ:

2. Հայաստանի բնապահպանական մարտահրավերները և դրանց լուծման  հնարավոր ուղիները:

3. Կայուն զարգացման հայացեկարգը, հիմնախնդիրներն ու հեռանկարները:

5. Պոստ Ռիո+20 գործընթացը

6. Կանաչ տնտեսությունը՝ որպես կայուն արտադրության և սպառման «բանալիե:

7. ԳՁՕ. հավանական ռիսկեր:

8. Մեդիա նյութերի պատրաստման կարողությունների զարգացում՝ նյութերի հարստացումը ինֆոգրաֆներով, տեսանյութերով և գրաֆիկայով:

9. Տեղեկտվության տարածումն ու սոցիալական մեդիայի կիրառումը` վերջնական նպատակին հասնելու համար:

10. Նոր եւ այլընտրանքային մեդիաների հնարավորությունների օգտագործումն էկոլոգիական խնդիրները լուսաբանելիս, սոցիալական ցանցերի ներգրավվումը հանրային իրազեկման գործընթացում:

Այնպես որ, սպասումներն արդարացվեցին եւ դասընթացն ամփոփվեց մասնակցության վկայականների հանձնման արարողությամբ, իսկ դրսում արդեն սպասում էր ծաղկաձորյան առաջին ձյունը, որը մասնակիցներին ուղեկցեց մինչեւ Երեւան:

ՀՐԱՆՏ ՍԱՐԱՖՅԱՆ