"ԴՈՒՐՍ ԱՐԻ ՄԵՔԵՆԱՅԻՑ, ԹԵ ՉԷ ՀԵՍԱ ԲԵՆԶԻՆԸ ԿԼՑՆԵՄ, ԱՎՏՈՏԴ ԷԼ ԿՎԱՌԵՄ, ՔԵԶ ԷԼ, ԿՆԿԱԴ ԷԼ"

"ԴՈՒՐՍ ԱՐԻ ՄԵՔԵՆԱՅԻՑ, ԹԵ ՉԷ ՀԵՍԱ ԲԵՆԶԻՆԸ ԿԼՑՆԵՄ, ԱՎՏՈՏԴ ԷԼ ԿՎԱՌԵՄ, ՔԵԶ ԷԼ, ԿՆԿԱԴ ԷԼ"

"Իրավունք հետաքննության" նախորդ համարում անդրադարձել էինք Լոռու մարզի Օձուն գյուղում հարեւանների միջեւ վիճաբանությանը, որն ավարտվել էր ծեծկռտուքով: "Օձուն գյուղի բնակիչ, 38-ամյա Տիգրանը վիճաբանել է աշխատանքի բերումով երկու օր առաջ կողքի` Արդվին գյուղից տեղափոխված իրենց հարեւան 33-ամյա Կարենի հետ: Վեճը երկու օրվա ծանոթացած հարեւանների միջեւ այնքան է թեժացել, որ վեճին խառնվել է Կարենի կինը` Սուսաննան: Սակայն Տիգրանին, ինչպես որ տեղեկացել եմ, դա չի խանգարել, նա ձեռքերով ու ոտքերով հարվածներ է հասցրել նրան, ով ի դեպ հղի էր",- մեզ հետ զրույցում պատմել էր Օձուն գյուղի գյուղապետ ԱՐՍԵՆ ՏԻՏԱՆՅԱՆԸ:
Իսկ թե ինչն է եղել հարեւանների միջեւ վճի իսկական պատճառը, մեզ հետ զրույցում մանարամասն ներկայացրեց Կարենի կինը` հղիության չորրորդ ամսում գտնվող ՍՈՒՍԱՆՆԱՆ, ով "անիմաստ" վեճը հանդարտեցնելու արդյունքում, հարբած հարեւանի կողմից բռունցքներով հարվածներ է ստացել որովայնի շրջանում եւ այսօր կանգնել է երեխան կորցնելու վտանգի առաջ.
- Անիմաստ բան էր, ընդամենն ամուսինս մեքենան գործի էր գցել, որ բարձրանայինք Արդվինª վեշեր բերելու: Մութ էր: Տեսա, որ բակի դիմաց մի տղա է կանգնած, ում մոտավորապես երկու օր առաջ տեսել էի. երբ ամուսինս մեքենայի վրա գործ էր անում, մոտեցավ, ասեցª ինչով կարող եմ օգնել: Ամուսինս էլ թեª ոչնչով, շնորհակալություն: Չէինք էլ ճանաչում, դեպքի օրն էլ խնդիրն ընդամենը այն էր, որ նա խմած-անջատված եկավ ամուսնուս շորերից բռնեց ու բա թե` դուրս արի մեքենայից, էդ խի՞ ես ավտոն խոդ տվել, կայֆավա՞տ ես լինում: Կարենն էլ ասեցª խոդի եմ տվել, որ էրեխեքին հավաքեմ, գնանք գյուղ: Մեկ էլ էդ խոսքի վրա տեսա ինքը ամուսնուս քաշքշում է: Էդ պահին ես առաջն ընկա: Ու տեսնելով հղի վիճակս, ինքը գլխիս տվեց ու հրեց, գցեց գետնին: Տեսնելով էդ, սկեսուրս մեքենայից իջավ, եկավ, որ առանձնացնի, բայց էդտեղ էլ իրեն չկորցրեցª սկեսուրիս հարվածեց. գլխին մեծ այտուց ունի մինչ օրս: Ես ընկածս տեղից վեր կացա, նորից խառնվեցի, որ հանդարտեցնեմ, բայց իրեն հանգստացնել չէր լինում, ընենց այլանդակ հայհոյանքներ էր տալիս, որ էլ չասելու է: Ամուսինս նորից նստեց մեքենան, ասեցª եկեք գնանք, բանի տեղ մի դրեք: Էս էլ նորից ամուսնուս ասեցª դուրս արի մեքենայից, թե չէ հեսա բենզինը կլցնեմ, ավտոդ էլ կվառեմ, քեզ էլ կվառեմ, կնկադ էլ: Մի խոսքով, խմած-անջատված մարդ, էլի միջամտեցի, ասեցի` հանգիստ թող, գնա, երբ լրջանաս, այդ ժամանակ կգաս, կխոսաս: Ինքն էլ, բա` ես հիմա պետք է խոսեմ, ու նորից ինձ հրեց գցեց գետնին ու բռունցքով տվեց փորիս: Ամուսինս վրա հասավ, ինքն ամուսնուս գցեց գետնին: Ես էլ տեսնելով, որ հնարավոր է` ամուսնուս լուրջ վնաս հասցնի, չգիտեմ ինչ ընկավ ձեռքսª գլխին տվեցի, որ օյաղանա: Հետո իրեն սթափեցնելու համար ասեցինք, եթե ըստեղից չգնաս, կզանգենք համապատասխան տեղեր ու քո հարցերը կլուծեն: Դրանից հետո նոր ինքը գնաց:
Դրա հաջորդ օրը վախից ինքն է գնացել հիվանդանոց, հիվանդանոցից էլ ոստիկանություն է դիմել: Իսկ ես, հասկանալով, որ ինքը ալկոհոլի ազդեցության տակ էր, իրեն չծախելու համար, երբ գիշերվա կեսին հիվանդանոց հասցրեցին ինձ, ասել էի, թե աստիճաններից եմ ընկել: Էդ հարբածի պատճառով էսօր ես վիժման վտանգի տակ եմ կանգնած: Ամեն օր գնում եմ սիստեմաների, բայց մինչ այդ` որեւէ խնդիր հղիության հետ կապված չեմ ունեցել:
- Այսինքնª վեճի հիմնական պատճառն այն էր, թե ինչո՞ւ եք դուք ձեր մեքենան գործի գցել:
- Հա, ասում էր ավտոն խոդի եք գցել, որ կայֆավատ լինեք: Խի՞, մեքենան գործի գցելով կայֆավա՞տ են լինում:

ԻԼՈՆԱ ԱԶԱՐՅԱՆ