«ՆԻԿՈԼ ՓԱՇԻՆՅԱՆՆ ԷԼ ԼԵՒՈՆ ՏԵՐ-ՊԵՏՐՈՍՅԱՆԻ ԿՈՂՔԻՑ Է ՏԵՂԱՓՈԽՎԵԼ»
Արխիվ 12-16
«ՆԻԿՈԼ ՓԱՇԻՆՅԱՆՆ ԷԼ ԼԵՎՈՆ ՏԵՐ-ՊԵՏՐՈՍՅԱՆԻ
ԿՈՂՔԻՑ Է ՏԵՂԱՓՈԽՎԵԼ»
Օրեր առաջ ՀԱԿ խմբակցության պատգամավոր Նիկոլ Փաշինյանը խորհրդարանում հայտարարել էր. «…Տիգրան Սարգսյանի ձախողած կառավարության գործունեության ժամկետի ուղիղ 70 տոկոսում ԲՀԿ-ն էլ եղել է կառավարող կոալիցիայի անդամ, նենց որ ԲՀԿ-ի գործընկերները թող իրենց մասին մտածեն, ոչ թե Հովիկ Աբրահամյանի»:
ՀԱԿ խմբակցության պատգամավորի այս հայտարարությունը վրդովեցրել էր ԲՀԿ մի քանի պատգամավորների: Մասնավորապես, Վահե Էնֆիաջյանն «Իրավունքի» հետ զրույցում Փաշինյանի այս հայտարարությունը համարել էր անպատասխանատու, իսկ Վահան Բաբայանը ֆեյսբուքյան իր էջում գրել էր. «...ԱԺ ամբիոնից կուրծք ծեծող պատգամավորը համարձակվում է Բարգավաճ Հայաստանին մեղադրել այն բաների մեջ, որի մասին բազմիցս հնչել են հիմնավորումներ, իսկ այսօր ԲՀԿ-ն կանգնած է Ազատության հրապարակում ու պայքարում է իշխանափոխության համար, ինչը չես ասի Նիկոլի նրա ձևավորած կառույցի մասին...»:
«Քաղաքացիական պայմանագիր» նախաձեռնության անդամ Ալեն Սիմոնյանն էլ հակադարձել էր Վահան Բաբայանին` hիշեցնելով հետեւյալը. «...երբ Նիկոլը և քաղ. պայմանագրի անդամները եղել են Ազատության հրապարակում, Վահան Բաբայանը կուսակցությունից կուսակցություն էր վազում. «Հանրապետություն», «ՄԻԱԿ», «Երիտասարդական»:
«Իրավունքը» Վահան Բաբայանից հետաքրքրվեց, թե ինչպես է արձագանքում այս հայտարարությանը. «Նիկոլ Փաշինյանն էլ Լեւոն Տեր-Պետրոսյանի կողքից է տեղափոխվել: Քաղաքականությունը դինամիկ պրոցես է, եւ ամեն մարդ ինքն է ընտրում իր ճամբարն ու ճանապարհը»:
Իսկ կուսակցությունից կուսակցություն տեղափոխվելն էլ Վահան Բաբայանը նորմալ է համարում, իսկ այդ երեւույթին քննադատաբար մոտեցողներին պատգամավորն այսպես հակադարձեց. «Դա նորմալ երեւույթ է, մարդը չի կարող ամբողջ կյանքում մեկ թիմում աշխատել, որտեղ չի կարող իր ծրագրերը կյանքի կոչել: Հնարավոր է`մարդը Հայաստանում քաղաքական տարբեր թիմերի հետ աշխատի: Մեր երկրի ղեկավարներից շատերը կոմունիստական կուսակցությունից, ՀՀՇ-ից մինչեւ ՀՀԿ ուղի են անցել»:
Սոնա Դավթյան
1
2500 դիտում
2
2161 դիտում
3
1848 դիտում
4
1845 դիտում
5
1829 դիտում
