Կունենանք ավելի մեծ բյուջե՝ աջակցությունը կավելանա. ԱԺ Նախագահը մայրերին օժանդակության մասին

Կունենանք ավելի մեծ բյուջե՝ աջակցությունը կավելանա. ԱԺ Նախագահը մայրերին օժանդակության մասին

ԱԺ նախագահ Գալուստ Սահակյանը իր արտահերթ ելույթում «Ժամանակավոր անաշխատունակության նպաստների մասին մասին» ՀՀ օրենքում լրացումներ և փոփոխություններ կատարելու  վերաբերյալ անդրադարձավ ազգային արժեքներին, որոնց հիմքում ընտանիքն է ու երեխան են:

«Սա մեր ազգի համար այն գաղափարն է, այն փիլիսոփայությունը, որ միանգամից արժևորում է մեր ազգը: Քննակումներն այնպիսին են, իբր թե մեր մայրերը, իսկ մենք մայրապաշտ ժողովուրդ ենք, սպասում են, որ պետբյուջեն, կամ, ընդհանրապես, փող տանք, որպեսզի մայրանան: Նույնիսկ, երբ նրանք ոտքի էին կանգնել, խոսում էին սոցիալական հավասարության, արդարության մասին: Ի՞նչ է նշանակում միայնակ մայր, ի՞նչ է նշանակում, որ եթե շատ ծննդօգնությունը տանք, ավելի շատ երեխաներ կծնվեն: Օրենքը միտված է նրան, որ պետությունը պարտավոր է օժանդակել նորածին երեխային, որպեսզի ավելի բարենպաստ մանկություն ունենա, առողջ երեխա լինի:  Մենք դարձրեցինք այսպես.փող տանք կանանց, որ երեխաներ ունենան: Սա զավեշտ է: Մեր կանայք այդ երկու կոպեկի համար չէ, որ ընտանիք են կազմում, երեխա ունենում: Մենք ընտանիք, երեխա պաշտող ժողովուրդ ենք: Նրանք ընտանիքի կանայք են, այն, այլ կանայք չեն, որ փողի համար ծննդաբերեն, ընտանիք կազմեն: Մարդիկ տնակներում են ապրում, 10-13 երեխա ունեն: Ոչ աշխատանք ունեն, ոչ որեւէ բան:

Երեխայի ծնունդը երբեք չի պայմանավորվում նրանով, թե պետբյուջեից ինչքան փող ենք հատկացնում այդ ընտանիքին:Կունենանք ավելի մեծ բյուջե՝ այդ աջակցությունը կավելանա»:

{youtube}BawxbkqO5Hk{/youtube}