ՀԱՅ ԾԱՆՐՈՐԴՆԵՐԻ ԹՈՒՅԼ ԵԼՈՒՅԹՆԵՐՆ ԱՇԽԱՐՀԻ ԱՌԱՋՆՈՒԹՅՈՒՆՈՒՄ

ՀԱՅ ԾԱՆՐՈՐԴՆԵՐԻ ԹՈՒՅԼ  ԵԼՈՒՅԹՆԵՐՆ
ԱՇԽԱՐՀԻ ԱՌԱՋՆՈՒԹՅՈՒՆՈՒՄ

Ղազախստանի Ալմաթի քաղաքում շարունակում է ընթանալ ծանրամարտի աշխարհի առաջնությունը: Հայ ծանրորդների մեծ մասն արդեն թեեւ հասցրել է մրցահարթակ դուրս գալ, սակայն ոգեւորող արդյունքներ այդպես էլ չունենք:
Տղամարդկանց 56 կգ քաշային կարգում Հայաստանի ներկայացուցիչ Սմբատ Մարգարյանն ընդգրկված էր B խմբում: Երկամարտի 250 կգ (107+143) արդյունքով նա գրավեց 7-րդ տեղը` C եւ B խմբերի մասնակիցների մեջ: 69 կգ քաշային կարգում հանդես եկող Վանիկ Ավետիսյանը պոկում վարժությունում բարձրացրեց 141 կգ, հրումումª 179 կգ եւ երկամարտում 320 կգ-ով զբաղեցրեց 5-րդ տեղը: Գյումրեցի ծանրորդ Արա Խաչատրյանը, ով հանդես էր գալիս 77 կգ քաշայինների A խմբում, 16-րդ տեղը գրավեցª երկամարտում հավաքելով 330 կգ ¥150 եւ 180 կգ¤: Այս քաշային կարգում աշխարհի չեմպիոն դարձավ ալբանացի Դանիել Գոդելին, ով երկամարտում գրանցեց 369 կգ (171+198) արդյունքը: 85 կգ քաշային Աղասի Աղասյանը հանդես եկավ B խմբում եւ գրավեց 5-րդ տեղը: Պոկում վարժությունում Աղասյանը բարձրացրեց 156 կգ, իսկ հրում վարժությունումª 197 կգ: Նրա երկամարտի արդյունքն էր 353 կգ: Ապրիլին Թել Ավիվում կայացած Եվրոպայի առաջնությունում Աղասի Աղասյանը երկամարտի 345 կգ (150 +195) արդյունքով զբաղեցրել էր չորրորդ տեղը:
Այսպիսովª հայ ծանրորդների արդյունքները գոհացնող համարել դժվար է, քանզի այս մարզաձեւից սպասումները միշտ շատ են: Փորձառու մարզիկներ թեեւ թիմում կային, բայց այնուամենայնիվ երիտասարդացած կազմը դեռ նախորդի մակարդակն ապահովել չի կարողանում: Հավաքականում սերնդափոխություն է, որի ընթացքի համար ժամանակ է հարկավոր: Բացի երիտասարդ մարզիկների որոշ չափով անփորձ լինելուց, առկա է նաեւ փորձառուների վնասվածքների խնդիրը, որոնց պատճառով մարզիկները մրցակցությունից դուրս մնալովª կորցնում են լավ մարզավիճակը:
Ինչեւէ, ծանր քաշային կարգերում հանդես եկող Սիմոն Մարտիրոսյանը (105 կգ), Հայկ Հակոբյանը եւ Ռուբեն Ալեքսանյանը մրցահարթակ դեռ դուրս չեն եկել: Այս մարզիկները մարզավիճակի հետ խնդիրներ չունեն, ուստի նրանցից մեդալների ակնկալիքներ կան: Իսկ ծանրամարտի կանանց հավաքականից պայքարի մեջ դեռ չեն մտել եւս երկու փորձառու մարզիկներ. 69 կգ քաշային Մելինե Դալուզյանը հանդես կգա այսօր, իսկ +75 կգ քաշային կարգում հանդես եկող Հռիփսիմե Խուրշուդյանըª նոյեմբերի 16-ին: Ակնախ այն բանից, որ այս մարզուհիները որոշ ժամանակ բացակայել են մրցահարթակից, նրանցից սպասումներ կան: Կանանց հավաքականի ամենակարեւոր խնդիրն այս պահին հենց ծանրորդուհիների մարզավիճակն է, քանզի նրանցից ամենափորձառուները գործնականում նոր են վերադարձել մեծ սպորտ:
Իսկ մեր մյուս մարզուհիներից Իզաբելա Յայլյանը հանդես եկավ 63 կգ քաշային կարգում: B խմբում նա երկամարտի 207 կգ (97+110) արդյունքով գրավեց 7-րդ տեղը: Իսկ 53 կգ քաշային Աննա Գովելյանը 34 մասնակիցների պայքարում ցույց տվեց 22-րդ արդյունքըª երկամարտում ունենալով 175 կգ: Ավելի վաղ 48 կգ քաշային Էլեն Գրիգորյանը երկամարտի 148 կգ (65+83) արդյունքով գրավել էր 26-րդ տեղը:

ՔՐԻՍՏԻՆԵ ՊԵՏՐՈՍՅԱՆ