«ԴՐԱՆՔ ԻՄ ՀՆՉՅՈՒՆՆԵՐՆ ԷԻՆ»
Արխիվ 12-16
«ԴՐԱՆՔ ԻՄ ՀՆՉՅՈՒՆՆԵՐՆ ԷԻՆ»
Տարվա սկզբից բազմաթիվ միջոցառումներ ու հոբելյանական երեկոներ տեղի ունեցան ՀՀ ժողովրդական արտիստ, կոմպոզիտոր Տիգրան Մանսուրյանի ծննդյան 75-ամյակին նվիրված: Սակայն մեր օրերում վարպետն այն քչերից է, ում համար դեռ քիչ են այդ բազմաթիվ մեծարման երեկոներն ու միջոցառումները:
Այնուամենայնիվ, Նոյեմբերի 10-ին Ա. Սպենդիարյանի անվան օպերայի եւ բալետի ազգային ակադեմիական թատրոնում տեղի ունեցավ Տիգրան Մանսուրյան վարպետին եւս մեկ մեծարման` հոբելյանական համերգ` ՀՀ մշակույթի նախարարության նախաձեռնությամբ: Ողջ երեկոյի ընթացքում, Արամ Սուքիասյանի ռեժիսուրայով, անդրադարձ կատարվեց կոմպոզիտորի կինոերաժշտությանը եւ ֆիլմերին, ցուցադրվեցին դրվագներ կոմպոզիտորի կենսագրությունից:
Ի դեպ, ինչպես տեղեկացրեց երեկոյի հանդիսավար Արտավազդ Ամիրյանը, ընթացքում նկարահանվում էր ֆիլմ` Տիգրան Մանսուրյանի մասին: Ինչի առթիվ երեկոյի "մեղավորին" բեմ հրավիրելուց հետո հանդիսավարը առաջադրանք տվեց մաեստրոյին, որպեսզի տեղում գրի «Տիգրան Մանսուրյան» ֆիլմի երաժշտությունը: Մաեստրոն էլ նախ ասաց. «Գրելը դեռ շուտ է, պետք է նախ հորինել...», ապա մոտեցավ դաշնամուրին եւ հանպատրաստի դաշնամուրին հանձնեց տեղում հորինած մեղեդիները, որը հետո կդառնա իր ֆիլմի երաժշտությունը: Իսկ ավարտին ասաց իր սրտի խոսքը. «Շատ զգացված եմ, փառավորապես այս հրաշալի երեկոյի առթիվ, ինձ այսպես շնորհավորելու, պատվելու ու մեծարելու համար: Շնորհակալ եմ երեկոն պատված մեծարգո վարչապետին, առաջին տիկնոջը, նախարարներին, ինչպես նաեւ երգչախմբերին, նվագախմբերին, մեներգիչներին, որոնք հնչյուններ տարածեցին այս երեկո, դրանք իմ հնչյուններն էին, իսկ ծափերից ենթադրվում է, որ համենայնդեպս ընդունելի եղան հանդիսատեսի համար»:
ԼԻԼԻԹ ԵՂԻԱԶԱՐՅԱՆ
1
3116 դիտում
2
2476 դիտում
3
2109 դիտում
4
1683 դիտում
5
1596 դիտում
