«ՊԵՏՔ ՉԷ ԱՐԺԵԶՐԿԵԼ ԱՐՑԱԽԻ ԽՆԴԻՐԸ». ԷԴՄՈՆ ՄԱՐՈՒՔՅԱՆԸ` ԶԱՐՈՒՀԻ ՓՈՍՏԱՆՋՅԱՆԻՆ

«ՊԵՏՔ ՉԷ ԱՐԺԵԶՐԿԵԼ ԱՐՑԱԽԻ ԽՆԴԻՐԸ». ԷԴՄՈՆ ՄԱՐՈՒՔՅԱՆԸ` ԶԱՐՈՒՀԻ ՓՈՍՏԱՆՋՅԱՆԻՆ

ԱԺ-ում այսօր «Ժառանգություն խմբակցության պատգամավոր Զարուհի Փոստանջյանը   ներկայացրեց Լեռնային Ղարաբաղի և Հայաստանի Հանրապետությունների անվտանգության ապահովման ռազմաքաղաքական հիմնադրույթների հայեցակարգերի մասին» նախագիծը: Դրա ներկայացումից հետո  անկախ պատգամավոր Էդմոն Մարուքյանը   անդրադարձավ   «Ժառանգություն» խմբակցության պատգամավորի օրինագծին: Անկախ պատգամավոր Մարուքյանը  խնդրեց Զարուհու Փոստանջյանին այլեւս  խորհրդարան չբերել, քանի որ ԱԺ-ը չունի լիազորություն նման որոշում ընդունելու: «Կարծում եմ ամեն անգամ այս օրինագիծը խորհրդարան բերելով եւ քննարկման դնելով`  արժեզրկվում է Արցախի հարցը»,-  կարծում է  տիկին Փոստանջյանը:

Պատգամավորի համար անհասկանալի է, թե ինչու  են անընդհատ արցախա-ադրբեջանական սահմանում խաղաղապահների  տեղակայման հարց առաջ քաշում. «Ինչ մեսիջ եք ուղարկում  արտաքին աշխարհին: Ուզում եք ասել, որ  մենք զորքի կարիք ունե՞նք:  Արցախի  պաշպանության լավագույն երաշխավորը պաշտպանության բանակն է»:

Արձագանքի համար խոսքի իրավունք ստացած Զարուհի Փոստանջյանն էլ մինչ ամբիոնին մոտենալը կարծում էր, թե  իր ելույթի պատճառով գուցե ձայնի իրավունքից զրկվի «Ժառանգություն խմբակցության ղեկավար Ռուբեն Հակոբյանը: ԱԺ փոխնախագահ Էդուարդ Շարմազանովն էլ մի քանի անգամ հավաստիացրեց, որ նման բան չի լինի: Բայց պատգամավորը կարծես թե չհավատալով  Էդ.Շարմազանովին, հարցրեց. «Հիմա պատգամավորները ելույթ չեն ունենո"ւմ»:

«Այո, տիկին Փոստանջյան, ելույթ են ունենում պատգամավորները: Գրված է երրորդ համար Զարուհի Փոստանջյան»,-պարզաբանեց ԱԺ փոխնախագահը:

Սոնա Դավթյան