Հ. ԲԱԲՈՒԽԱՆՅԱՆԸ ՊԱՇՏՊԱՆԵՑ ՍԵՄՅՈՒԷԼ ՋՈՆՍՈՆԻ ՀԵՂԻՆԱԿԱՅԻՆ ԻՐԱՎՈՒՆՔԸ Ն. ՓԱՇԻՆՅԱՆԻՑ

Հ. ԲԱԲՈՒԽԱՆՅԱՆԸ ՊԱՇՏՊԱՆԵՑ ՍԵՄՅՈՒԷԼ ՋՈՆՍՈՆԻ

ՀԵՂԻՆԱԿԱՅԻՆ ԻՐԱՎՈՒՆՔԸ Ն. ՓԱՇԻՆՅԱՆԻՑ

Այսօր ԱԺ նիստի ժամանակ փորձելով խոցել ՀՀԿ խմբակցության ղեկավար Վահրամ Բաղդասարյանին վերջինիս «ընդդիմության գործունեությունից նավթադոլարների հոտ է գալիս» արտահայտության համար`ՀԱԿ խմբակցության պատգամավոր Նիկոլ Փաշինյանը սկսեց մեղադրել ՀՀԿ խմբակցությանը, ընդդիմության հասցեին իբր անհիմն մեղադրանքների համար եւ մեջ բերեց հայտնի արտահայտությունը, թե« Հայրենասիրությունը սրիկայի վերջին ապաստանն է»` վերագրելով այն Բենջիամին Ֆրանկլինին: Նիկոլ Փաշինյանը դրանով փորձում էր մի կողմից ցույց տալ «Եռյակից» ավելի ընդդիմադիր լինելու իր կեցվածքը, միաժամանակ հասարակության աչքին երեւալով ինչպես մեծ ինտելեկտուալ, սակայն հայտնվեց ծիծաղելի եւ անհարմար վիճակում: Հաջորդ ելույթում ՍԻՄ նախագահ, ԱԺ ՀՀԿ խմբակցության պատգամավոր Հայկ Բաբուխանյանն ասաց, որ ստիպված է պաշտպանել Սեմյուել Ջոնսոնի հեղինակային իրավունքը, քանի որ Նիկոլ Փաշինյանի մեջ բերած խոսքի հեղինակը ոչ թե Ֆրանկլինն է այլ Ջոնսոնը, որը ծիծաղ առաջացրեց դահլիճում: Հ. Բաբուխանյանը նշեց նաեւ, որ ինչպես Ջոնսոնը այնպես էլ Ֆրանկլինը իրենց հոդվածներում եւ խոսքում մեծ տեղ էին տալիս հայրենասիրությանը եւ պետք չէ Ջոնսոնի ասած միտքը նենգափոխել: Հ. Բաբուխանյանը նշեց նաեւ, որ որոշ ընդդիմադիրների գործողություններից իսկապես հարց է ծագում, թե ինչ նպատակ էին ծառայում արտասահմանից մեծ քանակությամբ Հայաստան բերվող ֆինանսական միջոցները եւ, ինչո՞ւ է ստացվում այնպես, որ որոշ ընդդիմադիր գործիչներին, պատգամավորներին կամ հասարակական կազմակերպությունների գործությունները համահունչ են հարեւան թշնամի պետությունների ձգտումներին եւ անգամ երազանքներին:

ԱՐՄԵՆՈՒՀԻ ՀԱԿՈԲՅԱՆ