«ՄԵՆՔ ՓԱՌԱԲԱՆՈՒՄ ԵՆՔ ԵՀՈՎԱՅԻՆ, ՈՉ ԹԵ ՊԵՏՈՒԹՅԱՆԸ». ԱՂԱՆԴԱՎՈՐՆԵՐԻ ԵՐԵԽԱՆԵՐԸ ՀՐԱԺԱՐՎՈՒՄ ԵՆ ՀՀ ՕՐՀՆԵՐԳԸ

«ՄԵՆՔ ՓԱՌԱԲԱՆՈՒՄ ԵՆՔ ԵՀՈՎԱՅԻՆ, ՈՉ ԹԵ ՊԵՏՈՒԹՅԱՆԸ». ԱՂԱՆԴԱՎՈՐՆԵՐԻ ԵՐԵԽԱՆԵՐԸ  ՀՐԱԺԱՐՎՈՒՄ ԵՆ ՀՀ ՕՐՀՆԵՐԳԸ ԿԱՏԱՐԵԼ

«Աղանդավորական պայքարը Հայ եկեղեցու պատմություն առարկայի դասաժամերի և բանակում հոգևոր ծառայության դեմ» թեմայով այսօր կայացած քննարկման ժամանակ նման թիվ 166 դպրոցի տնօրեն Մարգարիտա Քուշկյանը հայտարարեց, որ  կարեւոր է, որ դպրոցներում հայ եկեղեցու առարկան դասավանդվի  համապատասխան մասնագետի, ոչ թե վերապատրաստում անցած հայոց լեզվի ու գրականության կամ մեկ այլ ուսուցչի կողմից:

Տնօրենի խոսքով` իր ղեկավարած դպրոցում քիչ չեն տարբեր աղանդներիn հետեւող աշակերտներ, որոնք հաճախ հրաժարվում են ՀՀ օրհներգը կատարել՝ պատճառաբանելով, որ իրենք փառաբանում են Եհովային,  ոչ թե պետությանը:

Քննարկման մասնակից ԱԺ նախկին պատգամավոր, աստվածաբան Վարդան Խաչատրյանը, խոսելով  այլընտրանքային ծառայության մասին, ասաց, որ  կիսապատերազմական վիճակում գտնվող   մեր երկիրն ու նրա քաղաքացիները  չպետք է իրենց թույլ տան նման ճոխությունից` այլընտրանքային ծառայությունից օգտվելու. «Մեր հասարակությունը կարող է խարսխվել ու զարգանալ միայն բարոյական հիմքերի վրա»:

Քայքայիչ գործունեություն ծավալող  կրոնական կառույցների մասին խոսելիս  աստվածաբանն ասաց, որ պրոֆեսիոնալիզմի պակասի  լուրջ խնդիր կա: «Երբ  մենք խոսում ենք կրոնական դենոմինացիաներից, չի կարելի  բոլորին նույն հարթության վրա դիտարկել: Օրինակ, Եհովայի վկաները օտարում են այն ամենը, ինչն ազգային է, ինչը պատկանում է տվյալ պետությանը, հայտարարում են, որ իրենք զինատյացներ են»,- մանրամասնեց աստվածաբանը:

ԱԺ  պատգամավոր Ռուզաննա Մուրադյանի համոզմամբ էլ դրսից սնվող մի շարք կազմակերպությունների ներկայացուցիչներ մոռանում են, որ  իրենց քարոզած  ապազգային արժեքները  մի օր նրանց դուռն են թակելու եւ լցվելու նրանց օջախներ:

Սոնա Դավթյան