Նորաբաց "ՄԵՐԻԴԻԱՆ" էքսպո կենտրոնում կայացավ Հայ ոսկերիչների համաշխարհային միության (AJA) կողմից կազմակերպված "Yerevan Show 2014" ամենամյա ոսկերչական ցուցահանդեսը, որին այս տարի հյուրընկալվել էին շուրջ 27 պետություններից ժամանած հայտնի ոսկերչական ու ժամագործական ավելի քան 100 մասնակից ընկերություն եւ մոտ 200 արտասահմանյան գնորդ:
Բացի ցուցահանդեսը, Հայաստանը տարածաշրջանային ոսկեգործության կենտրոն դարձնելու նպատակով Հայ ոսկերիչների համաշխարհային միությունը (AJA) անցկացրեց նաեւ միջազգային համաժողով, որին մասնակցում էին խոշորագույն ոսկեգործական կազմակերպությունների ղեկավարները: Այդ թվում նաեւ հանրահռչակ "Դեբիրս" ու "Ալռոսա" ընկերությունների ղեկավարները: Ցուցահանդեսից, համաժողովից ու նորաբաց հյուրընկալ կենտրոնից տպավորված էին բոլորը, ինչի մասին անկեղծացան հրաժեշտի ճաշկերույթի ժամանակ: Ի դեպ, բոլոր մասնակիցները Հայ ոսկերիչների համաշխարհային միության կողմից արժանացան դիպլոմների` մասնակցության համար: Նշենք, որ "Զարուհի" ամսագիրը` լինելով "Yerevan Show 2014"-ի ակտիվ մասնակիցն ու ինֆորմացիոն հովանավորը, նույնպես արժանացավ դիպլոմի: Այսպիսով` ավարտվեց թվով 4-րդ անգամ անցկացվող "Yerevan Show 2014" ոսկերչական ցուցահանդեսն ու մեկնարկեց "Yerevan Show 2015"-ը, որն ըստ կազմակերպիչների` էլ ավելի հնչեղ է լինելու: Նյութերը` ՀՐԱՆՏ ՍԱՐԱՖՅԱՆԻ
1
3122 դիտում
2
2476 դիտում
3
2109 դիտում
4
1683 դիտում
5
1596 դիտում
