ՀԱՄԱՍԵՌԱՄՈԼՆԵՐԸ ԵՎ ԱՂԱՆԴԱՎՈՐՆԵՐՆ ԱԿՏԻՎԱՑԵԼ ԵՆ ԱՐՏԱՍԱՀՄԱՆՅԱՆ ՊԱՏՎԵՐՆԵՐԻ ՇՐՋԱՆԱԿՈ՞ՒՄ

ՀԱՄԱՍԵՌԱՄՈԼՆԵՐԸ ԵՎ ԱՂԱՆԴԱՎՈՐՆԵՐՆ ԱԿՏԻՎԱՑԵԼ ԵՆ ԱՐՏԱՍԱՀՄԱՆՅԱՆ ՊԱՏՎԵՐՆԵՐԻ ՇՐՋԱՆԱԿՈ՞ՒՄ

Այն, որ վերջերս համասեռամոլները եւ աղանդավորները սկսել են ակտիվություն ցուցաբերել հատկապես համացանցում, կապված է քաղաքական իրավիճակի հետ: Այս մասին մեզ հետ զրույցում ասաց "Քայքայիչ պաշտամունքներից տուժածների օգնության եւ վերականգնողական կենտրոնի" ղեկավար ԱԼԵՔՍԱՆԴՐ ԱՄԱՐՅԱՆԸ:
-Նրանք դա անում են արտասահմանյան պատվերների շրջանակում: Քանի որ նրանց ֆինանսավորողները հիմնականում դրսից են, դրա համար հիմա իրենք ամեն բան անում են, որ կարողանան հիմնավորել, որ իրենց ստացած գրանտների փողերը իզուր չեն ծախսվել:
Անդրադառնալով համացանցում տեղ գտած համասեռամոլների այն որակավորումներին, որ "Իրավունք" թերթի խմբագիրը ֆաշիստ է, իսկ թերթը` ֆաշիստական թերթ, պարոն Ամարյանը հավելեց.
- Բնական է, որ նրանք պետք է տեղները չգտնեին, քանի որ դատարանը ճիշտ վճիռ էր կայացրել, եւ դրա հետ կապված ոչ մի տարաձայնություն եւ խոսակցություն չի կարող լինել: Իսկ այդ հայցվորները եւ "Իրավունք" թերթին ֆաշիստական թերթ անվանողները թող իրենց կենսագրականի մասին մտածեն:
Ամարյանը անդրադառնալով Հայաստանում այսօր գործող  խարիզմատիկ եկեղեցուց ճյուղավորված տարբեր աղանդներին, ասաց, որ կա նաեւ բուն հայկական աղանդ.
- 1846թ. Թուրքիայում, 40 հոգի անջատվեցին Հայ առաքելական եկեղեցուց ու ստեղծեցին Հայ ավետարանական եկեղեցին, որը 10 տարի հետո հաստատվեց թուրքական կառավարության կողմից, որովհետեւ քանակապես  աճել էր: Եթե հայերը միասնական լինեին ու մի ճակատով պայքարեին, ապա 1915թ. կոտորածը գուցեեւ չլիներ: Ինչեւէ, վերջերս օր օրի Հայաստանում նոր աղանդներ են բացահայտվում: Նաեւ բացահայտվում է իրենց թաքնված գործունեությունը: Այժմ մնում է պարզենք, թե ով է նրանց թիկունք կանգնում Հայաստանում, եւ ամենակարեւորը` ինչի համար: Որովհետեւ այսօր վտանգ են, մեզ սպառնում են նաեւ քայքայիչ աղանդները, որոնք իրենց գործունեության մեջ փակ են, օգտագործում են ներքաշման հոգեբանական մեթոդներ, զբաղվում են հոգեորսությամբ` օգտագործելով մարդկանց սոցիալական վիճակն ու նման այլ մեխանիզմներ, որոնք արգելված են:

ԻԼՈՆԱ ԱԶԱՐՅԱՆ