ԲՈՒՐԱՎԵՏ ԳՈՂՈՆ

ԲՈՒՐԱՎԵՏ ԳՈՂՈՆ

Փարիզում կատարվել է դարի ամենաբուրավետ գողությունը: Հանցագործների մի խումբ ավազակային հարձակում էր իրականացրել խոշոր պահեստային համալիրի վրա, պատանդ էին վերցրել մի աշխատակցի եւ հափշտակել էին համաշխարհային ճանաչում վայելող  օծանելիքներով բեռնված երկու բեռնատար ավտոմեքենա: Պատանդը անվնաս ազատ էր արձակվել հենց համալիրի ելքի մոտ: Ոստիկանները մտադրված են մոտ ժամանակներում հարցաքննել նրան, սակայն մեծ հույսեր չեն կապում ահաբեկվածի կողմից տրվելիք ցուցմունքների հետ: Նախնական ամենահամեստ հաշվարկներով` ավազակների ավարը գնահատվում է մի քանի հարյուր հազար եվրո:


ՀԱՐԲԱԾ ԿՐԿՆԱԿԻ ՄԱՐԴԱՍՊԱՆԸ

Մոսկվայի մարզի Պերեպեչինո գյուղի ավտոճանապարհին հայտնաբերվել էին գնդակահարված 2 ավտոտեսուչների դիակներ: Դեպքի վայրում մարդասպանը թողել էր իրեն մերկացնող ապացույց. երթեւեկության կանոնները խախտելու փաստի մասին արձանագրություն: Արձանագրության մեջ նշված է ավտոմեքենայի մակնիշըª "ՈւԱԶ" եւ խախտումը` տրանսպորտային միջոց վարելը ոչ սթափ վիճակում: Ոստիկանները հետախուզում են ավելի քան հավանական կրկնակի մարդասպանին:


"ՆԱՐԿՈՍԱՆԿՑԻԱՆԵՐ"

Մերձմոսկովյան իրավապահները բոլորովին վերջերս հայտնաբերել էին 174 կգ հերոին: Բացահայտված նարկոհանցագործների բանդայի գործելակերպն ու առգրավված թմրանյութի քանակը Դաշնային համապատասխան ծառայություններին հանգեցրել են այն համոզմունքին, որ հերոինային ճնշումները Ռուսաստանի վրա չեն նվազում: Այդ քանակի հերոինը մանրածախ իրացնելու դեպքում եկամուտը կկազմեր 500.000 դոլար:  


ԵՎՍ ՄԵԿ
ԱՐՏԱՍԱՀՄԱՆՅԱՆ ՀԵՏՔ

Մոսկվայի իրավապահները քրեական գործ են հարուցել ինկասատորների վրա ավազակային հարձակում գործելու փաստի առթիվ: Օրը ցերեկով, դիմակավորված 3 անհայտ անձինք հարձակվել էին ավտոսրահ-խանութից դուրս եկած ինկասատորների վրա, սպառնացել էին հրազենով եւ նրանցից խլել պայուսակները: Հափշտակված գումարի չափը կազմել էր 50.000 մլն ռուբլի: Ավազակները հանցավայրից հեռացել էին արտասահմանյան համարանիշներով Audi մակնիշի ավտոմեքենայով: