Հայտնի գործարար, այժմ սնանկացման շեմին հայտնված ՓԱՅԼԱԿ ՀԱՅՐԱՊԵՏՅԱՆԸ այլեւս հույսը կտրել է, որ մինչեւ տարվա վերջ որեւէ նորություն կլինի իր գործից: Մեզ հետ զրույցում հուսահատված գործարարն ասաց.
- Էլ ոչ մի հույս չեմ պահում, թե էս գործը իմ օգտին կընթանա: Չգիտեմ` ինչին են սպասում. քանի կար` ասում էին էդ խուլիգան Աշոտին են սպասում, հիմա էլ ինքը կա, բայց էլի գործը տեղից չի շարժվում: Մինչ իրենք տեղում դոփում են, ես հերթով իմ ունեցած-չունեցածն եմ կորցնում: ԻԼՈՆԱ ԱԶԱՐՅԱՆ
ՔՐԵԱԿԱՆ ԳՈՐԾ "ԿՈՇ" ՔԿՀ-Ի ՊԱՇՏՈՆԱՏԱՐ ԱՆՁԱՆՑ ՆԿԱՏՄԱՄԲ
Հատուկ քննչական ծառայությունը կաշառք վերցնելու համար քրեական գործ է հարուցել "Կոշ" ՔԿՀ-ի առանձին պաշտոնատար անձանց նկատմամբ: Դեռեւս հայտնի չէ, թե հստակ քանի հոգի են անցնելու սույն գործով: Այս մասին մեզ հետ զրույցում ասաց ՀՔԾ մամուլի քարտուղար Միքայել Ահարոնյանը: - Քրեական գործը հարուցվել է "Կոշ" քրեակատարողական հիմնարկի դատապարտյալներից մեկի հաղորդման հիման վրա: Դատապարտյալը հաղորդում է տվել այն մասին, որ ՔԿՀ-ի առանձին պաշտոնատար անձինք (նախաքննության գաղտնիությունից ելնելով` անուններ առայժմ չեն հաղորդվում) առանձնապես խոշոր չափերի կաշառք են ստացել` ծառայության գծով հովանավորչության համար: Դեպքի առթիվ ՀՔԾ-ն նախապատրաստել է նյութեր եւ հարուցել քրեական գործ` Քրեական օրենսգրքի 311-րդ հոդվածի 4-րդ մասի 2-րդ կետով: Այս պահի դրությամբ` նախաքննություն է ընթանում: ԻԼՈՆԱ ԱԶԱՐՅԱՆ
1
3122 դիտում
2
2476 դիտում
3
2109 դիտում
4
1683 դիտում
5
1596 դիտում
