"ՀԱՅԱՍՏԱՆՆ ԱՆԴԱՄԱԿՑԵԼՈՎ ԵՏՄ-ԻՆ` ԷԱՊԵՍ ԱՄՐԱՊՆԴՈՒՄ Է ԻՐ ԴԻՐՔԵՐԸ

"ՀԱՅԱՍՏԱՆՆ ԱՆԴԱՄԱԿՑԵԼՈՎ ԵՏՄ-ԻՆ`
ԷԱՊԵՍ ԱՄՐԱՊՆԴՈՒՄ Է ԻՐ ԴԻՐՔԵՐԸ"

Ժամանակին առիթ ունեցել էինք ենթադրություն հայտնել, որ այն պահին, երբ Եվրասիական միությանը Հայաստանի անդամակցության պայմանագիրը կմտնի վավերացման փուլ, մեր տեղական արեւմտամետներն իրենց ողջ ջանքերը կուղղեն այդ գործընթացը նախª Սահմանադրական դատարարում, ապաª Ազգային ժողովում տապալելուն: Եվ այս օրերին, երբ այդ փաստաթուղթը ՍԴ-ում է, կարելի է արդեն իսկ նկատել, թե հիշատակված տարրն ինչպես է կաշվից դուրս գալիս` ամեն կերպ պայմանագրի վավերացման գործընթացը ձախողելու համար:
Հասկանալի էª նման գործելաոճի պատճառն այն է, որ Հայաստանին ԵՏՄ-ից հեռու պահելու քարոզարշավին այդպես էլ չկարողացան հանրության շրջանակներում քիչ թե շատ մասշտաբային բնույթ հաղորդել. ժողովուրդն ակնհայտորեն Ռուսաստանի հետ հարաբերությունների կողմնակիցն է, ինչը արեւմտյան եւ ոչ մի փողով փոխել հնարավոր չէ: Եվ չնայած դրանª դեռ փորձում են ամեն կերպ քարոզել, որ Հայաստանը սխալ արտաքին քաղաքականություն է վարում, ինչի գլխավոր օրինակը, հասկանալի է, պետք է լիներ ԵՏՄ-ին անդամակցությունը: Ուրեմն` իրո՞ք մեր արտաքին քաղաքականությունն այնքան վատն է, ինչպես որ շարունակում են քարոզել մեր տեղական արեւմտամոլները: Այս հարցով դիմեցինք ՀՀ պաշտպանության նախկին նախարար, գեներալ-լեյտենանտ ՎԱՂԱՐՇԱԿ ՀԱՐՈՒԹՅՈՒՆՅԱՆԻՆ.
- Շատ բան կարելի է ասել: Սակայն կան փաստեր եւ օրինակներ: Իսկ դրանք հետեւյալն են` Հայաստանը, գտնվելով այնպիսի բարդ իրավիճակում, երբ, ասենք, Ուկրաինայի կամ Վրաստանի օրինակով մինչեւ իսկ կարող էր պատերազմի մեջ ներքաշվել, ոչ միայն կարողացավ հեռու մնալ նման ծայրահեղ իրավիճակներից, այլեւ այսօր ճիշտ կողմնորոշվելով եւ անդամակցելով Եվրասիական միությանը` էականորեն ամրապնդում է իր դիրքերը` հատկապես տնտեսական եւ անվտանգության հարթություններում եւ ղարաբաղյան ուղղությամբ: Առավել եւս, որ մեր պոտենցյալը նկատելիորեն ավելի փոքր է, քան Վրաստանինն ու Ադրբեջանինը, էլ չեմ խոսում Ուկրաինայի մասին:
- Իսկ, ասենք, նախկին ԱԳ նախարար Վարդան Օսկանյանը, երբ ակնարկներ է անում` սխալ արտաքին քաղաքականության մասին, միգուցե դեռ շարունակում է ճիշտ համարել Մեղրիի տարբերակը ղարաբաղյան բանակցությունների սեղանին դնե՞լը, ինչի մասին  իր ժամանակներում շատ էր խոսվում:
- Դե, պարզ է, թե օսկանյաններն ինչ նպատակներ են հետապնդել եւ հետապնդում:

ՔԵՐՈԲ ՍԱՐԳՍՅԱՆ
Վաղարշակ Հարությունյանի հետ մեր զրույցն ամբողջությամբ կներկայացնենք "Իրավունք-Հետաքննության" վաղվա համարում: