ԶԱՐՄԱՆՔ

"Իշխանափոխությունը, նախ, նպատակ չէ, այլ միջոց է: Մենք իշխանափոխությունից հետո, առաջին հերթին, նախատեսում ենք կանգնեցնել արտագաղթը, ստեղծել պայմաններ եւ հնարավորություններ մեր հայրենակիցների համար, որպեսզի իրենք աշխատեն եւ արարեն իրենց սեփական երկրում, այլ ոչ թե օտար պետություններում: Երկրորդը` մենք վերացնելու ենք մենաշնորհը թե՛ քաղաքական դաշտում, թե՛ տնտեսությունում: Համակարգային փոփոխություններից հետո մարդը իրոք պետք է դառնա գերագույն արժեք մեր հասարակությունում, եւ Հայաստանում հաստատվեն ժողովրդավարության բոլոր գործող նորմերը: Մի խոսքով, իշխանափոխության արդյունքում մենք հնարավոր ենք համարում, որ մեր երկիրը դառնա ժամանակակից եւ զարգացած պետություն, որի հետ հաշվի կնստեն եւ կհարգեն": Հարգելի ընթերցողներ, ինչ եք կարծում, ով է այդ խոսքի հեղինակը:

Չե՞ք կողմնորոշվում, բայց միաժամանակ վստահ եք, որ հավատալի չէ` ճիշտ եք անում: Որովհետեւ այսպիսի փուչ խոստում տվողներ եղել են, կան եւ կլինեն: Տվյալ դեպքում դրա հեղինակը ԲՀԿ խմբակցության անդամ ՎԱՀԱՆ ԲԱԲԱՅԱՆՆ է, բայց նույն հաջողությամբ, հեղինակ կարող էր լինել որեւէ մեկը ՀԱԿ-ից, "Ժառանգությունից" կամ անգամ Գառնիկ Իսագուլյանի կուսակցությունից, եթե, իհարկե, 2-րդ կուսակցականն այդտեղ գտնվեր:
Իսկ մեկ այլ ԲՀԿ-ական պատգամավոր` ՄԻՔԱՅԵԼ ՄԵԼՔՈՒՄՅԱՆԸ, բավականին հետաքրքիր մեկնաբանություն է տվել իր գործընկեր Ստեփան Մարգարյանի այն խոսքին, թե փետրվար-մարտից ԲՀԿ-ն ինքն իրեն կհռչակի ընդդիմադիր. "Փոխվելուց հետո շատ տարբեր բաներ կարող են փոխվել, օրինակ, եթե դու ընդդիմադիր ես, տարբեր բաներից օգտվում ես` հայտարարությունների, հարցուպատասխանի ժամին, ամենատարբեր բաներից": Այսինքն` զարմանալիորեն ստացվում է, որ ԲՀԿ-ին անհրաժեշտ են ընդդիմադիրների համար սահմանված արտոնությունները: Թե չէ անհարմար բան է ստացվում` 2,5 հոգանոց "Ժառանգություն" խմբակցությունը կամ 3,5 հոգանոց ՀԱԿ-ը ահագին արտոնություն ունեն, իսկ այդ հսկա կուսակցությունը չունի:
Բայց ինչը հաստատ "եռյակը" որպես այդպիսին չունի` դա ամերիկացիների աջակցությունն է: Յանկիները պարզապես ձեռ են քաշել նրանցից, քանզի, ըստ բացահայտ ամերիկյան լրտես ՌԻՉԱՐԴ ԿԻՐԱԿՈՍՅԱՆԻ. "Սկզբում նրանք ապոկալիպսիսի 4 ձեւավորողներն էին, բայց երբ Դաշնակցությունը դուրս եկավ, մնացին երեքը: Եվ հիմա մենք ունենք երեք հոգնած ձիեր, ինչպես նաեւ մարող ապոկալիպսիս": Այո, ամերիկացիք շատ են հիասթափվել եւ այդ պատճառով Կիրակոսյանը դաժան բնորոշում է տալիս. "Սա ավելի շատ քաղաքական հոբբի է, ոչ թե քաղաքական արշավ: Հայաստանի բնակչության մեծ մասն արդեն հոգնել է այս քաղաքական թատրոնից եւ ցանկանում է, որպեսզի այս դերասանները հեռանան բեմից": Բայց, այնուամենայնիվ, ի հակադրություն "քըխ" ամերիկացիների, "եռյակին" "Ֆեյսբուքով" շրջող մի անեկդոտ պատմենք: Գիտնականները պարզել են, որ Մալեւիչի հայտնի "Սեւ քառակուսի" կտավը ոչ այլ ինչ է, քան փոքր-ինչ մութ սենյակում արված Բարաք Օբամայի սելֆին:
Իսկ "Իրավունքի" դեմ դատում պարտված 16 հայցվորներից մեկը` ՄԱՄԻԿՈՆ ՀՈՎՍԵՓՅԱՆԸ, հիմա էլ աշխարհով մեկ հավարը գցել է, թե "հոմոֆոբիան" (այդպես են համասեռամոլապաշտպանները կոչում նորմալ մարդկանց վերաբերմունքը գոմիկների նկատմամբ) էապես նպաստում է արտագաղթին: Զարմանալի է, մի՞թե այդ "իրավապաշտպանը" լրջորեն կարծում է, որ գոմիկները զգալի թիվ են կազմում, թե՞ միայն գոմիկներն են նրա աչքին մարդ երեւում: Ինչեւէ, հիշենք հանրային տրամադրությունները, երբ արտագաղթեց տխրահռչակ Ծոմակը: Եվ զարմանալով հանդերձ արձանագրենք, որ մեր ժողովուրդը միայն  ուրախ կլինի, եթե բոլոր ծոմակազգիներն ու ծոմականմանները արտագաղթեն:

Զարմացած է
ՀՈՎՀԱՆՆԵՍ ԳԱԼԱՋՅԱՆԸ