ԱՅՍՕՐ ԱՇՈՏ ՆԱՎԱՍԱՐԴՅԱՆԻ ՄԱՀՎԱՆ 16-ՐԴ ՏԱՐԵԼԻՑՆ Է

ԱՅՍՕՐ ԱՇՈՏ ՆԱՎԱՍԱՐԴՅԱՆԻ ՄԱՀՎԱՆ 16-ՐԴ ՏԱՐԵԼԻՑՆ Է

Այսօր լրացավ  Հայաստանի Հանրապետական կուսակցության հիմնադիր, ազգային-քաղաքական գործիչ ԱՇՈՏ ՆԱՎԱՍԱՐԴՅԱՆԻ մահվան 16-րդ տարելիցը: ՀՀ Ազգային ժողովի նախագահ ԳԱԼՈՒՍՏ ՍԱՀԱԿՅԱՆԸ, ԱԺ փոխնախագահ ՀԵՐՄԻՆԵ ՆԱՂԴԱԼՅԱՆԸ, Երեւանի քաղաքապետ ՏԱՐՈՆ ՄԱՐԳԱՐՅԱՆԸ Աշոտ Նավասարդյանի կուսակից ու մարտական ընկերների եւ հարազատների հետ այցելել են Եռաբլուր` հարգանքի տուրք մատուցելով նրա հիշատակին:

Հիշեցնենք, որ Աշոտ Նավասարդյանը եղել է ընդհատակյա Ազգային միացյալ կուսակցության (ԱՄԿ, 1968) եւ խորհրդի (1973) անդամ։ Հետեւել է Գարեգին Նժդեհի «Ցեղակրոն» գաղափարախոսությանը, հանդես եկել խորհրդային ամբողջատիրական համակարգի քննադատությամբ, Հայ դատի պաշտպանությամբ։ Հայ ժողովրդի ապագան կապել ազատ, անկախ եւ միացյալ Հայաստանի հետ։ Իր գաղափարների տարածման համար երեք անգամ ձերբակալվել է եւ դատապարտվել 13 տարվա բանտարկության։ Ազատվելուց հետո (1987) շարունակել է քաղաքական գործունեությունը։ 1989-ին հիմնադրել եւ ղեկավարել է «Անկախության բանակ» ռազմաքաղաքական կազմակերպությունը, 1990-ից` Հայաստանի Հանրապետական կուսակցությունը։ 1990-95-ին եղել է ՀՀ ԳԽ անկախ պետականության հաստատման եւ  ազգային քաղաքականության հարցերի ու սահմանադրական հանձնաժողովների անդամ, 1995-97-ին` պաշտպանության, ազգային անվտանգության եւ ներքին հնաձնաժողովի փոխնախագահ։ 1996-ին Գերմանիայում մասնակցել է Ռազմավարական հետազոտությունների Մարշալի կենտրոնի դասընթացներին եւ ռազմավարի որակավորում ստացել։ 1990-95 թթ. եղել է ՀՀ ԳԽ պատգամավոր, իսկ 1995-97 թթ.-ին` ԱԺ պատգամավոր:

ՀՐԱՆՏ ՍԱՐԱՖՅԱՆ