«ԱՐՅԱՆ ԿԱՆՉԸ»`ՆՎԻՐՎԱԾ ՀԱՅՈՑ ՑԵՂԱՍՊԱՆՈՒԹՅԱՆ ԶՈՀԵՐԻ ՀԻՇԱՏԱԿԻՆ

«ԱՐՅԱՆ ԿԱՆՉԸ»`ՆՎԻՐՎԱԾ ՀԱՅՈՑ ՑԵՂԱՍՊԱՆՈՒԹՅԱՆ ԶՈՀԵՐԻ ՀԻՇԱՏԱԿԻՆ

Լույս է տեսել ջավախքահայ բանաստեղծ Սուրեն Շիրինյանի բանաստեղծությունների երրորդ`«Արյան կանչը» ժողովածուն: Բանաստեղծը իր երրորդ գիրքը նվիրել է Հայոց Ցեղասպանության զոհերի հիշատակին: Գրքում  նա բանաստեղծությունների է վերածել ցեղասպանությանը վերաբերյալ  այն պատմությունները, որոնք լսել է տարբեր մարդկանցից:

Ս. Շիրինյանի երրորդ գրքի շնորհանդեսը տեղի ունեցավ Հայրենիքում, սա առիթ էր, որպեսզի բանաստեղը եւս մեկ անգամ այցելի Հայաստան, քանի որ  երկար ժամանակ է, որ նա  բնակվում է արտերկրում.«Չնայած Հայաստանում չեմ բնակվում, բայց տարին մեկ անգամ անպայման այցելում եմ իմ հայրենիք, որին եւ նվիրված է իմ բանաստեղծությունների զգալի մասը: Առաջին իսկ հնարավորության դեպքում կվերադառնամ Հայաստան`կապրեմ եւ կստեղծագործեմ այստեղ»,-«Իրավունքի» հետ զրույցում նշեց ՍՈՒՐԵՆ ՇԻՐԻՆՅԱՆԸ: Ամեն անգամ Հայաստան այցելելուց հետո բանաստեղծի հոգում ծնվում են նոր բանաստեղծություններ, որոնք էլ հանձնվում են թղթին, իսկ հետո ծնվում է հերթական ժողովածուն: Այս այցելությունից հետո նույնպես կլինեն բանաստեղծություններ, որոնք ինչպես Սուրեն Շիրինյանը փաստեց` լույս կտեսնի հաջորդ տարի`2015 թվականին`կրկին Հայաստանում.«2015 թվականը մեզ համար կարեւոր տարի է եւ բոլորս պետք է միասին լինենք`հայրենիքում: Մենք աշխարհին դեռ շատ բան ունենք ցույց տալու, միայն անհրաժեշտ է, որ միասնական լինենք, համախմբված նույն գաղափարի շուրջ»,-ընդգծեց բանաստեղծը:

Սուրեն Շիրինյանը սկսել է ստեղծագործել 2006 թվականից, նրա բանաստեղծությունները մեծ մասը  նվիրված են հայրենիքին:

ԶՎԱՐԹ ԽԱՉԱՏՐՅԱՆ