«ԲԱՎԱՐԻԱ»-«ԲՈՐՈՒՍԻԱ Դ.»՝2:1.ՄԽԻԹԱՐՅԱՆԻ ԹԻՄԸ ԿՐԵՑ 5-ՐԴ ԱՆԸՆԴՄԵՋ ՊԱՐՏՈՒԹՅՈՒՆԸ
Արխիվ 12-16
«ԲԱՎԱՐԻԱ»-«ԲՈՐՈՒՍԻԱ Դ.»՝2:1.ՄԽԻԹԱՐՅԱՆԻ ԹԻՄԸ ԿՐԵՑ 5-ՐԴ ԱՆԸՆԴՄԵՋ ՊԱՐՏՈՒԹՅՈՒՆԸ
Գերմանիայի առաջնության 10-րդ տուրի կենտրոնական հանդիպումը՝ «Բավարիա»-«Բորուսիա Դ.» ավարտվեց հօգուտ մյունխենցիների 2:1 հաշվով: Առաջին խաղակեսում «Բավարիան» տարծքային առավելություն ուներ եւ մի քանի իրական գոլային պահ կորցրեց: Հենրիխ Մխիթարյանը հանդիպման 9-րդ րոպեին հնարավորություն ուներ գրավել «Բավարիայի» դարպասը, սակայն Հայաստանի հավաքականի կիսապաշտպանի հարվածից հետո գնդակը դիպավ հորիզոնական դարպասաձողին: Հանդիպման 31-րդ րոպեին դորտմունդցիների հակագրոհներից մեկը գոլով ավարտեց գերմանացի կիսապաշտպան Մարկո Ռոյսը: Ընդմիջումից հետո «Բավարիայի» առավելությունը բացահայտ էր, ինչի արդյունքում 70-րդ րոպեին «Բորուսիայի» նախկին հարձակվող Ռոբերտ Լեւանդովսկին հավասարեցրեց հաշիվը: Դաշտի տերերը շարունակում էին գրոհել եւ դարձյալ արդյունքի հասան. 85-րդ րոպեին 11 մետրանոցն անվրեպ իրացրեց հոլանդացի կիսապաշտպան Արյեն Ռոբենը, ով վերջակետ դրեց խաղին: Այսպիսով Խոսեպ Գվարդիոլայի թիմը 24 միավորով առաջատարն է: «Բորուսիան» ունի 7 միավոր եւ 14-րդ տեղում է:
ՔՐԻՍՏԻՆԵ ՊԵՏՐՈՍՅԱՆ
1
3122 դիտում
2
2476 դիտում
3
2109 դիտում
4
1683 դիտում
5
1596 դիտում
