ԶԱՐՄԱՆՔ

Աշխարհի լրատվական դաշտով մեկ պտտվում է զարմանալի լուր` իբր ՎԼԱԴԻՄԻՐ ՊՈՒՏԻՆԸ հիվանդ է քաղցկեղով եւ այդ պատճառով շտապում է վճռական գործողություններ կատարել եւ պատմության մեջ մնալ` որպես ռուսական հողերի հավաքող: Բնականաբար, ՌԴ նախագահի մամլո խոսնակը հերքել է դա, սակայն զարմանալին դա չէ: Զարմանալին այն է, որ Վլադիմիր Պուտինին 2003-ից ի վեր ամեն տարի վերագրում են քաղցկեղի այս կամ այն տեսակը, այնպես որ, ակնհայտորեն դա սոսկ տեղեկատվական պատերազմի կեղտոտ հնարք է եւ ուրիշ ոչինչ: Ինչեւէ, արդեն 11 տարի շարունակ Պուտինին թաղողների վերաբերյալ նույնիսկ որոշ արեւմտյան վերլուծաբաններ ասում են, որ կամ Պուտինն ունի ֆենոմենալ կենսունակություն, որով հաղթահարում է բոլոր տեսակի քաղցկեղները, կամ այդ ամենը սովորական սուտ է:
Իսկ այժմ մի զարմանալի լուր գենդերային փչացածության մեծագույն նվաճումներ ունեցող Արեւմուտքից: Apple ընկերության գլխավոր տնօրեն ԹԻՄ ԿՈՒԿԸ հայտարարել է, որ հպարտ է միասեռական լինելու փաստով: Այս մասին գրել է Bloomberg Businessweek-ը: "Ես երբեք չեմ թաքցրել իմ սեռական կողմնորոշումը: Apple-ի շատ աշխատակիցներ գիտեն, որ ես միասեռական եմ, եւ դա ոչ մի կերպ չի ազդել իմ նկատմամբ վերաբերմունքի վրա: Իհարկե, ես հաջողակ եմ նրանով, որ աշխատում եմ մի կազմակերպությունում, որը սիրում է ստեղծագործական մոտեցումը եւ նորարարությունը, սակայն բոլորը չէ, որ բախտավոր են",- ասել է Կուկը: Դե ինչ, այդ ֆիրմայի համակարգիչներ, նոութբուքներ, պլանշետներ եւ սմարթֆոններ օգտագործողներ, ուշադիր եղեք, որպեսզի հանկարծ չպարզվի, որ ձեր սարքերի վրա պատկերված  Apple ընկերության խորհրդանիշը` կրծած խնձորը ծիածանագույն է: Բոլոր դեպքերում, թերեւս, չի խանգարի գոնե մի հատ սպիրտով սրբել` համ կուտակված կեղտից ու փոշուց կազատվեք, համ էլ այդ ընկկերության տնօրենից սարքերին փոխանցված գոմիկի հոտից:
Քանի որ խոսք գնաց տեղեկատվական ոլորտից` նշենք, որ արդեն 1 շաբաթ է գործում է ԿԱՅՔ, ուր կարելի է ներմուծել մարդու բջջային հեռախոսահամարը կամ ավտոմեքենայի պետհամարանիշը, եւ կայքը ձեզ կտա համապատասխան ՀՀ քաղաքացու ե՛ւ անուն-ազգանունը հասցեով, ե՛ւ միգուցե նույնիսկ այլ տվյալներ: Այսպես, երիտասարդ երկրապահները հայտնաբերել են, որ զինծառայողների պարագայում նույնիսկ անվան հետ միասին զորամասի համարն է բերում: Լավ, հասկանալի է, որ ինչ-որ մեկը լկտիաբար թքել է անձնական տվյալները պաշտպանող ՀՀ քրեական օրենսգրքի վրա, եւ համարձակվել է դա անել հայկական տիրույթում գրանցված կայքում: Բայց չէ՞ որ նրա ձեռքում հայտնվել են ե՛ւ բջջային կապի ՀՀ-ում գործող բոլոր ընկերությունների տեղեկատվական բազաները, ե՛ւ ճանապարհային ոստիկանության տեղեկատվական բազան: Հիմա ինչպես է դա տեղի ունեցել, եւ, գրողը տանի, որ մի էշի ականջում էին քնած մեր իրավապահները մի ամբողջ շաբաթ, ու այդպիսի հանցագործության մասին տեղեկացան միայն բլոգերների բարձրացրած աղմուկից հետո:
Իսկ ԵՊՀ-ում տեղի է ունեցել զարմանալի, բայց շատ տխուր իրադարձություն: Մի ՈՒՍԱՆՈՂ, ով իրեն միշտ լավ է զգացել եւ երբեք ոտք չի դրել համալսարանի բուժկետ, ֆիզկուլտուրայի պարապմունքի ժամանակ պահելով ֆուտբոլային դարպասը, հանկարծ տեղում վատացել է եւ հանկարծամահ եղել: Զարմանալի է, այդ ինչ է կատարվում երիտասարդ սերնդի հետ, որ այդպիսի մահեր են լինում: Բայց միաժամանակ զարմանալի է եւ բուհի ղեկավարության դրսեւորած ծայրահեղությունը` հիմա բոլորին են զոռով քշում բուժկետ` ստուգվելու: Ինչեւէ, բոլոր կառույցները, ուր երիտասարդները շատ են, լինեն դա բուհերը, բանակը, թե  հասարակական կամ քաղաքական երիտասարդական կառույցները, թող հեռու մնան այդպիսի ցավալի բաներից:

Զարմացած է  
ՀՈՎՀԱՆՆԵՍ ԳԱԼԱՋՅԱՆԸ