ՋԱԶ-ԷՍՏՐԱԴԱՅԻՆ ՀԱՄԵՐԳ`ՆՎԻՐՎԱԾ ՀԱՅՈՑ ՑԵՂԱՍՊԱՆՈՒԹՅԱՆ 100•ՐԴ ՏԱՐԵԼԻՑԻՆ

ՋԱԶ-ԷՍՏՐԱԴԱՅԻՆ ՀԱՄԵՐԳ`ՆՎԻՐՎԱԾ ՀԱՅՈՑ ՑԵՂԱՍՊԱՆՈՒԹՅԱՆ 100-ՐԴ ՏԱՐԵԼԻՑԻՆ

Հոկտեմբերի 30-ին և 31-ին Գյումրիում և Երևանում տեղի կունենան համերգներ` նվիրված Հայոց Մեծ Եղեռնի 100-րդ տարելիցին: Առաջին համերգը, տեղի կունենա  Գյումրիի Վ.Աճեմյանի անվան պետական դրամատիկական թատրոնի դահլիճում,իսկ երկրորդը`  Երևանի Կոմիտասի անվան կամերային երաժշտության տանը, որը կլինի եզրափակիչը :

Համերգին ելույթ կունենան աշխարհահռչակ երաժիշտներ Ռուսաստանի Դաշնությունից՝ Իգոր Ֆյոդորով (կլարնետ), Դենիս Շապովալով (թավջութակ) և Եվգենի Բրախման (դաշնամուր): Համերգներին մասնակցություն կունենա նաև  Հայաստանի Հանրային ռադիոյի էստրադային սիմֆոնիկ նվագախումբը, գեղարվեստական ղեկավար և գլխավոր դիրիժոր՝ Երվանդ Երզնկյան: Համերգային ծրագրում կհնչեն հայտնի ջազային և էստրադային ստեղծագործություններ՝(Կ.Կռաուտգարտներ - ԿոնցերտինոԱ.Շոու – Կոնցերտ, Man from Mars , Ա.Ցֆասման - Ինտերմեցցո Ա.Ռոզենբլատ – Ֆանտազիա Ժ.Բիզեի «Կարմենե օպերայի թեմաներով , Ա.Ցֆասման – Ջազային սյուիտ դաշնամուրի եւ նվագախմբի համար):

Համերգը կազմակերպել են Մարդկային ռեսուրսների զարգացման «Փյունիկ» համահայկական հիմնադրամ, Երաժիշտ-կատարողների «Վերածնունդ» միջազգային մրցույթ-փառատոնը եւ Երևանի Կոմիտասի անվան պետական կոնսերվատորիայի Գյումրու մասնաճուղը:

Մենակատարներ՝

Իգոր Ֆյոդորով (Կլարնետ) Ռուսաստան

Միջազգային մրցույթների դափնեկիր, մասնակցել է բազմաթիվ խոշորագույն միջազգային փառատոնների, հանդես է գալիս ինչպես մենակատար, այնպես էլ կամերային ծրագրերով: Կամերային անսամբլում նրա զուգընկերներն են եղել անվանի երաժիշտներ Յու. Բաշմետը, Դ.Մացուևը, Յու. Ռախլինը, Ալ. Գինդինը եւ այլք: Համագործակցում է հռչակավոր դիրիժորներ Վ.Գերգիեւի, Վ.Ֆեդոսեւվի, Ալ.Լազարեւի, Վ.Սպիվակովի:

Դենիս Շապովալով (թավջութակ) Ռուսաստան

Ճանաչված թավջութակահար, միջազգային մրցույթների դափնեկիր, այդ թվում Պ. Ի. Չայկովսկու անվան XI մրցույթի (1998թ, I մրցանակ): Համերգներով հանդես է եկել ինչպես Ռուսաստանի տարբեր քաղաքներում, այնպես էլ Ֆինլանդիայում, Կորեայում, Դանիայում, Իտալիայում, Իսպանիայում եւ այլ երկրներում: Մեծ հաջողությամբ մասնակցել է  միջազգային տարբեր փառատոնների: Համագործակցել է անվանի դիրիժորներ՝ Վ.Սպիվակովի, Յու. Բաշմետի, Վ.Ֆեդոսեևի, Լ.Մազելի, Տ.Զանդերլինգի հետ: Կամերային անսամբլներում հանդես է եկել Ռ.Շչեդրինի, Վ.Ռեպինի, Ալ. Լյուբիմովի, Ա.Գինդինի եւ այլ անվանի երաժիշտների հետ: Ակտիվ մասնակցություն է ունեցել ժամանակակից երաժշտության տարբեր նախագծերում:  Նրա արվեստը բարձր է գնահատել աշխարհահռչակ թավջութակահար Մ.Ռոստրոպովիչը:

Եվգենի Բրախման (դաշնակահար) Ռուսաստան

Ճանաչված դաշնակահար, միջազգային մրցույթների դափնեկիր: Համաշխարհային ճանաչում նրան բերեց Միլանի Լա Սկալա թատրոնում անցկացվող Դինո Չիլեայի անվան մրցույթում տարած փայլուն հաղթանակը (1999): Դաշնակահարը մենահամերգներով հանդես է եկել աավելի քան 20 երկրներում: Որպես մենակատար հանդես է եկել աշխարհի լավագույն նվագախմբերի հետ: Կամերային անսամբլում հանդես է եկել ջութակահարներ Դորա Շվարցբերգի, Անաստասիյա Չեբոտարյովայի, ալտահար Դանիլո Ռոսսիի, թավջութակահար Դենիս Շապովալովի, կլարնետահար Իգոր Ֆյոդորովի հետ:  Նրա նվագացանկը ընդգրկում է ինչպես ակադեմիական ստեղծագործություններ, այնպես էլ ջազային երաժշտություն:

ԶՎԱՐԹ ԽԱՉԱՏՐՅԱՆ