"ԻՐԱՎՈՒՆՔԻ" ԸՆԹԵՐՑՈՂՆԵՐԸ ՀԱՅ ԶԻՆՎՈՐՆԵՐԻ ԿՈՂՔԻՆ ԵՆ
Արխիվ 12-16
ՀԱՅ ԶԻՆՎՈՐՆԵՐԻ ԿՈՂՔԻՆ ԵՆ
ԱԺ ՀՀԿ խմբակցության պատգամավոր, ՀՀ վաստակավոր արտիստ ՇՈՒՇԱՆ ՊԵՏՐՈՍՅԱՆԸ եւ նույն խմբակցության պատգամավոր, ՍԻՄ կուսակցության նախագահ ՀԱՅԿ ԲԱԲՈՒԽԱՆՅԱՆԸ համատեղ նախաձեռնությամբ են հանդես գալիս` "Իրավունքի" ընթերցողները հանուն սահմանապահի համար ավելի բարեկեցիկ ու ջերմ կացարանների ստեղծման: Այս մասին "Իրավունքի" 25-ամյակի կապակցությամբ կայացած հանդիսավոր միջոցառման ժամանակ հայտարարեց Շ. Պետրոսյանը. "Մի քանի օր առաջ` մեր ԱԺ նիստերից մեկում` հարցուպատասխանի ժամանակ մի առաջարկ-խնդրանքով դիմեցի պաշտպանության նախարար պարոն Սեյրան Օհանյանին, որպեսզի մենք` որպես ՀՀ քաղաքացիներ, աջակցենք զինվորներին` ստեղծելով ավելի ջերմ, ավելի հարմար, բարեկեցիկ պայմաններ` հենակետերին կից կացարաններում: Բարձրաձայնեցի` որպես մայր, որպես քույր, որպես սիրած աղջիկ` միեւնույն ժամանակ բարձր գնահատելով մեր բանակի թե՛ ձեռքբերումները, թե՛ ուժը եւ թե՛ կարողությունները: Իհարկե, ես հանգիստ եմ եւ իրավունք էլ չունեմ այդ մասին մտահոգվելու, բայց ինձ հուզող մասը` որպես ապագա զինվորների մայր, հենակետերին կից կացարաններում ավելի ջերմ ու ապահով պայմաններ ստեղծելն է` դիրքերից վերադարձած զինվորների համար: Շատ ուրախ եմ, որ այս հարցում պարոն Բաբուխանյանն առաջարկեց իր աջակցությունը: Սա բնավ չի նշանակում, որ հիմա պայմանները այնտեղ վատ են, պարզապես իմ ցանկությունն է, որ այն լիովին լինի ավելի "տնավարի": Գիտեք, մենք հանգիստ ենք, որովհետեւ բանակը մեր մեջքին է, այն էլ ինչ բանակ, իսկ արդյո՞ք մենք նրանց մեջքին ենք, եկե՛ք լինենք նրանց մեջքին, նրանց կողքին, նրանց հետ առհասարակ": Հ. Բաբուխանյանն էլ հավելեց. ""Իրավունք" թերթը, ՍԻՄ կուսակցությունը միանում է Ձեր նախաձեռնությանը: Մենք կկազմակերպենք այն եւ թերթով կդիմենք մեր ընթերցողներին` կոչ անելով միանալ այս սուրբ գործին":
1
3122 դիտում
2
2476 դիտում
3
2109 դիտում
4
1683 դիտում
5
1640 դիտում
