ՀԱԿ-Ի ԴԱՍԱԼԻՔՆԵՐԸ. ՄԱՍ 5. ՍԱՀԱԿ ՄՈՒՐԱԴՅԱՆ

ՀԱԿ-Ի ԴԱՍԱԼԻՔՆԵՐԸ.

ՄԱՍ 5. ՍԱՀԱԿ ՄՈՒՐԱԴՅԱՆ

Ֆոտոլրագրողի մասնագիտությունը բավականին լուրջ մասնագիտություն է և ոչ մի տեղ գրված չէ, որ ֆոտոլրագրողը պարտադիր պետք է լինի նաև դասալիք: Ֆոտոլրագրողը սովորական երկրի քաղաքացի է, իր ազգի զավակը և որպես ՀՀ քաղաքաց, որպես հայ մարդ կարող է կատարել իր պարտքը ազգի, հայրենիքի, պետության հանդեպ: Եվ համոզված ենք, որ գրեթե բոլոր դեպքերում այդպես էլ կա, բացի ՀԱԿ կոչվող անհայրենիք խմբավորումից: Այստեղ ֆոտոլրագրողի մասնագիտության մասին այլ պատկերացումներ են և հավանաբար, ըստ նրանց, լավ ֆոտոլրագրողը պետք է նախ լինի բանակից «թռած», սեփական հայրենիքն ու պետությունը չսիրող, և ապա նաև` առողջական, նյարդային ու հոգեբանական խնդիրներ և գերադասելի է` «գժի թուղթ» ունեցող (բայց պարտադիր չէ): Դե իսկ դրան գումարած` ՀԱԿ անդամ լինելու մասին էլ չենք խոսում, քանի որ դա պարտադիր պայման է:
Բանն այն է, որ ՀԱԿ-ի արդեն հերթական ֆոտոլրագրողը, պարզվում է` դասալիք է: Այս անգամ խոսքը 22-ամյա Սահակ Մուրադյանի մասին է, ով 2009-2010թթ. ՀՀ ոստիկանության կողմից վերցված է եղել պրոֆիլակտիկ հաշվառման: Այս «հերոսը» 2010-ի նոյեմբերին ՊՆ Կետրոնական բժշկական հանձնաժողովի կողմից «պերիֆերիկ նյարդերի վնասվածքների հետևանքներ, ֆունկցիաների խիստ արտահայտված խանգարումով» ախտորոշմամբ ճանաչվել է զինվորական ծառայության համար ժամանակավորապես ոչ պիտանի և ստացել տարկետում 1 տարի ժամկետով: Այնուհետև Ս.Մուրադյանը ներգրավված է եղել միանգամից 2 քրեական գործի շրջանակներում և կրկին ստացել տարկետում, սակայն 2012թ. օգոստոս ամսին նրա մասով քր.գործը կարճվել է: Դրանից հետո Սահակ Մուրադյանը խախտել է զինվորական հաշվառման կանոնները և ըստ սահմանված կարգի չի ներկայացել զինկոմիսարիատ: Այս տարվա օգոստոսին նա կրկին կանչվել է ՊՆ բժշկական հանձնաժողով, սակայն այս անգամ ևս «չի հանձնվել». նա հայտարարել է, որ կորցրել է կցագրման վկայականը, ինչի արդյունքում այս զորակոչին ևս չի զորակոչվել և ներկայումս անցնում է բժշկական հետազոտություն:
Ինչպես տեսնում եք, այս անգամ նույնպես ամեն ինչ կազմակերպվել է շատ վարպետորեն, ինչը ցույց է տալիս, որ ՀՀՇ-ՀԱԿ-ի վերնախավը իրենց երիտասարդներին դասալիք դարձնելու գործում իսկական պրոֆեսիոնալ է և ունի անհրաժեշտ հնարավորությունները: Միայն «գժի թուղթն» է այս անգամ բացակայում, ինչով Սահակ Մուրադյանը հետ է մնում իր որոշ ընկերներից, բայց դա, իհարկե, նրան չի խանգարում ընկերներին հավասար գործել, մասնակցել տարբեր բողոքի ակցիաներին և, իհարկե, աշխատել որպես ֆոտոլրագրող: Այսինքն, մեր երկրում բոլոր առողջական, նյարդային կամ հոգեբանական լուրջ խնդիրներ ունեցողները, ովքեր նաև ունեն աշխատանքի խնդիր, կարող են հանգիստ դիմել ՀԱԿ-ին և ստանալ ակտիվիստի և ֆոտոլրագրողի աշխատանք: Սա անձնակազմ և թիմ հավաքելու շատ յուրահատուկ մոտեցում է:
Հոդվածի հաջորդ մասում կանդրադառնանք ՀԱԿ-ի ակտիվիստ եղբայրներ, դասալիքներ Դավիթ և Հովհաննես Քիրամիջյաններին:

«ՀՀՇ-ՀԱԿ իրական դեմքը» ֆեյսբուքյան էջ

Շարունակելի...

Առաջին մաս. Արեգ Գևորգյան

Երկրորդ մաս. Սարգիս Գևորգյան

Երրորդ մաս. Արեն Մանուկյան

Չորրորդ մաս. Սարգիս Ղազարյան