Երիտասարդները հետաքրքրված են ռազմամարտական կրթությամբ

Երիտասարդները հետաքրքրված են  ռազմամարտական կրթությամբ

«Գևորգյան մարտարվեստի դպրոց» հայրենասիրական-երիտասարդական կենտրոնը իր գործունեությանը հավատարիմ, հերթական ռազմահայրենասիրական դասընթացը անցկացրեց այս անգամ Ծաղկաձորում: 4 օր շարունակ, շուրջ 30 երիտասարդ, մասնակցեց ռամամարտական դասընթացի, որը իրականցվեց ՀՀ Սորտի և երիտասարդության նախարարության աջակցությամբ: Ծրագիրը հագեցած էր և՛ տեսական և՛ գործնական վարժանքներով: Երիտասարդները հնարավորություն ունեցան ստանալու համապարփակ գիտելիքներ պատերազմական դժվարին պայմաններում գոյատևելու վերաբերյալ, ծանոթացան և գործնականում փորձարկեցին հետախուզական առաջադրանքներ, անցան կրակային պատրաստության գործնական պարամունքներ:
Տպավորիչ էր հատկապես այն, որ անգամ կեսգիշերն անց էլ բոլոր մասնակիցները, դաշտային պայմաններում  սերտում էին ռազմամարտական կարևոր  գիտելիքներ, տեղում ցուցադրական վարժանքների տեսքով: Մասնակիցները մեզ հետ զրույցում  ընդգծեցին հատկապես այն, որ իրենց ստացած գիտելիքներն ու գործնական պարապմունքները բավականին համապարփակ էին, և այդ ամենը ուսուցանողների փորձի,  գիտելիքների մեծ պաշարի շնորհիվ: Նշենք որ դասընթացները վարում էին արցախյան ազատամարտի մի խումբ նվիրյալներ, ովքեր այսօր էլ  են շարունակում ռազմակրթական գործունեությունը:
Մասնակից Կառլեն Հակոբյանի հավաստմամբ, այս դասընթացի շրջանակում իր ստացած գիտելիքները իրեն անպայման շատ օգնելու են զինվորական ծառայության ընթացքում, և ամենահամոզիչն այն է , որ դասավանդում են մարդիկ, որվքեր իրենց անցած ուղով և նաև ներկայով հայրենանվիրման իրական օրինակ են, առանց գեղեցիկ և պաթետիկ խոսքերի: Բոլոր այն մասնակիցները, ում հետ մենք հասցրեցինք զրուցել, նշում էին որ այս և նմանօրինակ դասընթացների կարիքը երիտասարդները ունեն, և ցանկալի է հաճախակի  կազմակերպվեն և, որ ամենակարևորն է՝ իրենց կյանքով,  գործով հայրենիքի հանդեպ  նվիրումը բազմիցս ապացուցած մարդկանց միջոցով:  
Դասընթացի շրջանակում ցուցադրվեցին նաև ռազմահայրենասիրությունը խրախուսող փաստագրական ֆիլմեր, այդ թվում և ՀՀ Պաշտպանության նախարարության և Գիտության և կրթության նախարարության համատեղ ծրագրի շրջանակում նկարահանված Շուշիի ազտաագրման մասին պատմող, հայ մարտիկի կերպարին անդրադարձող ֆիլմերը, նաև ԳՄԴ հայրենասիրական-երիտասարդական կենտրոնի գործունեությունը ներկայացնող «Գաղափարի ուժը» փաստագրական ֆիլմը: Բոլոր ֆիլմերի դիտումներին հաջորդում էին ակտիվ քննարկումները: Ծրագիրն ավարտվեց, բայց մասնակիցները մնացին  նմանօրինակ  դասընթացի կրկին մասնակցելու սպասումով: