«ԽՈՀԱՆՈՑԱՅԻՆ ԱՅՆՊԻՍԻ ԽՈՍԱԿՑՈՒԹՅՈՒՆՆԵՐ, ԹԵ ԼՈԽ ՎԱՏ Է, ԵՒ ՄԵՂԱՎՈՐ ԵՆ ԻՇԽԱՆՈՒԹՅՈՒՆՆԵՐԸ, ԴԱ ԾՐԱԳՐԱՅԻՆ ԵԼ

«ԽՈՀԱՆՈՑԱՅԻՆ ԱՅԴ ԽՈՍԱԿՑՈՒԹՅՈՒՆՆԵՐԸ, ԹԵ ԼՈԽ ՎԱՏ Է, ԵՎ ՄԵՂԱՎՈՐ ԵՆ ԻՇԽԱՆՈՒԹՅՈՒՆՆԵՐԸ, ԴԱ ԾՐԱԳՐԱՅԻՆ ԵԼՈՒՅԹ ՉԷ»

Սոցիոլոգ Ահարոն Ադիբեկյանը, այսօր «Իրավունքի» հետ զրույցում անդրադառնալով հոկտեմբերի 24-ին  «Եռյակի» հանրահավաքին, ասաց, որ  ԲՀԿ առաջնորդի ելույթը պետք է քննադատական մաս պարունակեր: Մասնավորապես, նա պետք է ասեր` ինչ չի արել ներկայիս կառավարությունը: Եվ այն  ինչ չի արել, ինչպես պետք է աներ:

Ըստ Ադիբեկյանի` հնչեցին իշխանափոխության կոչեր,  բայց նոր իշխանության գործելակերպի մասին ոչինչ չհնչեց: Պարզ չէ, որ այդտեղ հավաքված հանրությունն ուր  է գնալու: «Երկիրը գտնվում է ծանրագույն վիճակում: Վերջին տարիներին Հայաստանի տնտեսությունը հասցվել է կաթվածահար վիճակի: ԲՀԿ ղեկավարի այս խոսքերն ուղղակի հայտարարություն են, ոչ թե վերլուծություն: Խոհանոցային այն խոսակցությունները, թե լոխ վատ է, եւ մեղավոր են իշխանությունները, դա ծրագրային ելույթ չէ»,- ասաց պրն Ադիբեկյանը:

ԲՀԿ ղեկավարն իր ելույթում նաեւ հայտարարեց, որ իշխանությունը պետք է համաժողովրդական շարժման պահանջներն ի կատար ածի: Սրանով, փաստորեն,  ԲՀԿ առաջնորդն ակնարկեց իշխանությունների հետ բանակցելու մասին: Արդյոք իշխանությունը բանակցությունների կգնա: «ՀՀ նախագահը հայտարարեց, որ պատրաստ են  համագործակցելու այն ուժերի հետ, որոնք կօգնեն իրավիճակը բարելավվելու:  Այնպես որ, եթե գործողությունների ծրագիր «Եռյակի» կողմից առաջարկվի եւ դա կյանքի կոչվի, ՀՀԿ-ն ընդառաջ կգնա»,- վերլուծում է Ադիբեկյանը:  

Ինչ վերաբերում է համաժողովրդական շտաբեր ձեւավորելուն, սոցիոլոգը հիշեցնում է` 670 համայնքների ղեկավարները ՀՀԿ-ականներ են, միայն 150-ն է ընդդիմության ձեռքին, հետեւաբար  «Եռյակին» կհաջողվի ձեւավորել  150-200 շտաբ: «Այդ շտաբեր մարդիկ գալու են ինչ-որ բան խնդրելու, պատրա՞ստ է «Եռյակն» այդ շտաբերի միջոցով մարդկանց կենսական խնդիրները լուծի»,- մտորում է Ադիբեկյանը:

Սոնա Դավթյան