ՄԽԻԹԱՐՅԱՆԸ ՎԵՐԱԿԱՆԳՆԵՑ, ԻՍԿ ԱԶԳԱՅԻՆ ԸՆՏՐԱՆԻՆ` ԶԻՋԵՑ

ՄԽԻԹԱՐՅԱՆԸ ՎԵՐԱԿԱՆԳՆԵՑ, ԻՍԿ ԱԶԳԱՅԻՆ ԸՆՏՐԱՆԻՆ` ԶԻՋԵՑ

Կայացան Չեմպիոնների լիգայի խմբային փուլի հերթական հանդիպումները, Հայաստանի հավաքականի կիսապաշտպան Հենրիխ Մխիթարյանը Դորտմունդի "Բորուսիայի" կազմում լավ հանդիպում անցկացրեց "Գալաթասարայի" դեմ` օգնելով իր թիմին` օգնեց 4:0 հաշվով հաղթանակ տոնել:
Հայ ֆուտբոլիստի խաղը անարձագանք չմնաց արտասահմանյան մի շարք պարբերականների եւ կայքերի կողմից: Գերմանական WAZ-ը գրել է. "Դորտմունդի "Բորուսիան" Ստամբուլում կրկին ցուց տվեց իր դեմքըª 4:0 հաշվով ջախջախելով "Գալաթասարային": Դա հատկապես դա վերաբերում է Հենրիխ Մխիթարյանին, ով ստեղծեց առաջին երկու գոլերը եւ շատ ուժեղ խաղ ցուցադրեց":

"Մխիթարյանը շատ ակտիվ էր եւ մի քանի վտանգավոր պահ ստեղծեց: Մասնակցեց իր թիմի խփած առաջին երկու գոլերին",- գրում է անգլիական Goal.com-ը: Այս կայքը Մխիթարյանի խաղը գնահատել է 3,5 միավոր. նրանից բարձր գնահատական ստացել է միայն Օբամեյանգին` 4: Գերմանական Ruhrnachrichten.de-ին գրում է.

"Մխիթարյանի կարգը թույլ տվեց կազմակերպել երկու գրոհներ, որոնք գոլով ավարտվեցին: Քյոլնում անցկացրած թույլ խաղից հետո նա իրեն փլեյմեյքերի դիրքում լավ դրսեւորեց եւ միշտ սուր էր գործում": Իսկ գերմանական Spox-ի կարծիքով` հայ ֆուտբոլիստը լավագույնն էր դորտմունդցիների կազմում. "Մխիթարյանը լավագույնն էր "Բորուսիայի" կազմում: Նա կրկին ապացուցեց, որ կարող է հիանալի կերպով խաղը պաշտպանությունից տեղափոխել հարձակման գիծ ու հակառակը":
Բայց ամենահետաքրքիրը թուրքական Beyaz TV-ով Ախմադ Չակարի գնահատականն էր. "Ես այսօր տեսա հային եւ հասկացա, որ սիրում եմ հայերին: Ինձ համար Մխիթարյանն աշխարհի լավագույն ֆուտբոլիստներից մեկն է":
Եվ այն պահին, երբ Մխիթարյանի հասցեին նման գնահատականներ են հնչում, Ֆուտբոլի միջազգային ֆեդերացիան հրապարակեց ազգային հավաքականների դասակարգման աղյուսակը: Հայաստանի հավաքականը 52-րդ տեղից նահանջել է 75-րդ տեղը: Բեռնար Շալանդի գլխավորած թիմը կորցրել է 124 միավոր` դառնալով առավելագույն միավոր կորցրած հավաքականը: Հայաստանի հետ Եվրո-2016-ի նույն ընտրական խմբում ընդգրկված Դանիայի հավաքականը 32-րդն է, Սերբիանª 46-ը (Թուրքիայի հետ կիսում է 46-47-րդ տեղը), Ալբանիան` 48-ը: Առաջատարը աշխարհի չեմպիոն Գերմանիան է: Առաջին տասնյակում են նաեւ Արգենտինան, Կոլումբիան, Բելգիան, Հոլանդիան, Բրազիլիան, Ֆրանսիան, Ուրուգվայը, Պորտուգալիան ու Իսպանիան: Առավելագույն տեղ զիջած թիմը Ադրբեջանն է, որը նահաջել է 73 տեղ եւ 126-րդ տեղում է:

ՔՐԻՍՏԻՆԵ ՊԵՏՐՈՍՅԱՆ