ԼԵՎՈՆ ՏԵՐ-ՊԵՏՐՈՍՅԱՆԸ ԱԶԱՏՈՒԹՅԱՆ ՀՐԱՊԱՐԱԿ ԷՐ ԵԿԵԼ` ԺՈՂՈՎՐԴԻՆ ԶՎԱՐՃԱՑՆԵԼՈՒ

ԼԵՎՈՆ ՏԵՐ-ՊԵՏՐՈՍՅԱՆԸ ԱԶԱՏՈՒԹՅԱՆ ՀՐԱՊԱՐԱԿ ԷՐ ԵԿԵԼ`

ԺՈՂՈՎՐԴԻՆ ԶՎԱՐՃԱՑՆԵԼՈՒ

Ազատության հրապարակում այս պահին շարունակվում է «եռյակի» հանրահավաքը: ՀԱԿ առաջնորդ Լեւոն Տեր-Պետրոսյանի ելույթի ժամանակ հավաքվածները ծափահարեցին: ՀԱԿ առաջնորդն էլ իրեն բնորոշ ձեով ասաց. «Դե լավ ծափ տվեք» ու կարծես թե մի մեծ  լավություն արեց հավաքվածներին հայտարարեց Լեւոն Տեր-Պետրոսյանը: Հետո կատակով ասաց. «Էս կոնգրեսականներն ամենաչարն են»:

Հումորներից հետո ՀԱԿ առաջնորդը խոսեց նաեւ ժամանակին անկախության դեմ եղողների մասին: Հավանաբար պրն Տեր-Պետորսյանը իրեն նկատի ուներ, քանի որ «Ղարաբաղ» կոմիտեի անդամ Ավետիք Իշխանյանը օրեր առաջ հայտարարել էր, թե Լեւոն Տեր-Պետրոսյանն ու Սամսոն Ղազարյանը դեմ են եղել անկախությանը:

Տեր-Պետրոսյանը նաեւ անդրադարձավ այն կանխատեսմանը, թե ԲՀԿ առաջնորդ Գագիկ Ծառուկյանը խաղ է խաղում այս իշխանությունների հետ: ՀԱԿ առաջնորդը հայտարարեց, որ նման բան կանխատեսողները խայտառակ են եղել: Ինչպե՞ս են այսուհետ քաղաքականությամբ զբաղվելու: Շատ պարզ, պրն Տեր-Պետրոսյան, այնպես, ինչպես դուք եք այսօր զբաղվում եւ կանգնած քաղաքական մի ուժի`ԲՀԿ-ի կողքին, որին համարում էիք մասնակից մարտի մեկի ողբերգական դեպքերին:

ԵՏՄ անդամակցության մասին եւս խոսեց ՀՀ առաջին նախագահը: Ըստ նրա`տեսանելի ապագայում Հայաստանն ապրելու ու կենսագործելու է այդ համակարգի շրջանակներում, հետեւաբար ցանկացած ջղաձգում վնասակար է ու անիմաստ: Փաստորեն, հերթական անգամ Լեւոն Տեր-Պետրոսյանը վիրավորեց ԵՏՄ-ի անդամակցությունը չընդունող եւ հարթակի վրա կանգնած «Ժառանգությանն» ու նրա առաջնորդին: Հետաքրքիր է, Րաֆֆի Հովհաննիսյանն ու նրա կուսակիցներն  այս անգամ ինչպե՞ս են արդարանալու, կամ փորձելու արդարացնել այն մարդկանց, ովքեր հերթական հանրահավաքին անխնա քննադատեցին իրենց: «Փորձում են հակառուսական տրամադրություններ հրահրել` հասկանալով, որ հող չկա այդ տրամարդությունների համար»,- ասաց Լեւոն Տեր-Պետրոսյանը:Այսպիսով` ՀԱԿ առաջնորդ նաեւ իր այս ելույթով գլխապատառ ողջունեց ներկայիս իշխանությունների կատարած քայլը:

Ի դեպ, ՀԱԿ առաջնորդի ելույթի ժամանակ հարթակում կանգնածները  իրենց շշուկներով խանգարում էին Տեր-Պետրոսյանին: Վերջինիս, դա բնականաբար, դուր չեկավ ասելով, Գագիկն էլ լինի, պիտի ասեք Ռուբիկն է: Փաստորեն խանգարողը ԲՀԿ առաւջնո՞րդն էր:

Իր ելույթից հետո ՀԱԿ առաջնորդը հայտարարեց, որ հիմա ժողովրդին զվարճացնելու է: Նա սկսեց 1988-ի հանրահավաքի տարիներին արված հումորներ հիշեցնել: Ի դեպ, Տեր-Պետրոսյանը իրեն հակասեց եւ մի դեպքում ասաց, որ այս տարիներին ժողովուրդն ավելի շատ էր, իսկ հետո րոպեներ անց, ասաց, որ ժողովուրդը շատ էր, ինչպես այսօր: Ստացվում է, որ Լեւոն Տեր-Պետրոսյանը ձեռքի հետ նաեւ բանահավաքչությամբ է զբաղվում: Հավանաբար սա կլինի առաջին նախագահի գիտական հերթական աշխատության թեման:

Սոնա Դավթյան