ՇԱՐՄԱԶԱՆՈՎԸ` ԼԵՎՈՆ ԶՈՒՐԱԲՅԱՆԻՆ. «ԼՐՏԵՍՆԵՐ ՓՆՏՐԵՔ ՁԵՐ ՇՐՋԱՊԱՏՈՒՄ

ՇԱՐՄԱԶԱՆՈՎԸ` ԼԵՎՈՆ ԶՈՒՐԱԲՅԱՆԻՆ. «ԼՐՏԵՍՆԵՐ  ՓՆՏՐԵՔ

ՁԵՐ ՇՐՋԱՊԱՏՈՒՄ»

ՀԱԿ խմբակցության ղեկավար Լեւոն Զուրաբյանն այսօր ԱԺ ամբիոնից հայտարարեց, որ իրենք ՀՀԿ-ում լրտեսներ ունեն: Ավելին` իշխանությունը վախենում է ընդդիմությունից ու հոկտեմբերի 24-ի հանրահավաքից:

ԱԺ փոխնախագահ Էդուարդ Շարմազանովը կոռեկտության կոչ արեց` ասելով, որ  լրտեսներ չկան իրենց  խմբակցությունում: «Բարեկիրթ եղեք ձեր գործընկերների հանդեպ, որոնց հետ առավոտից երեկո  շփվում ու աշխատում եք: Լրտեսներ փնտրեք ձեր շրջապատում: Եթե դուք լրտեսների հետ շփվել եք, դա ձեր խնդիրն է»,- հորդորեց Էդ. Շարմազանովը:

ՀԱԿ խմբակցության ղեկավարն անդրադարձավ նաեւ արտահերթ համարվող հարցերի քննարկումն  իշխանության կողմից ձախողելու փորձին, այն դեպքում, երբ ընդդիմությունն ու ԲՀԿ-ը հավաքվել էին ընդամենը 44 ստորագրություն: Էդուարդ Շարմազանովը  հիշեցրեց ՀԱԿ խմբակցության ղեկավարին. «Եթե «Այլընտրանքը»` ԲՀԿ-ը, չլինի, տեսնեմ ինչպե՞ս եք այդ 44 ստորագրությունը հավաքելու»:

Ինչ վերաբերում է  իշխանության վախեցած լինելուն, ԱԺ փոխնախագահը հեգնեց. «Հա բա չի երեւում, ինչքան են վախեցած, սրտատրոփ սպասում ենք ձեր հանրահավաքին»:

Լեւոն Զուրաբյանից հետո ելույթով հանդես եկավ ԲՀԿ պատգամավոր Միքայել Մելքումյանը, ով, կարծես թե նեղվեց Շարմազանովի որակումներից եւ հորդորեց ԱԺ փոխնախագահին  շատ ակտիվ չլինել:

Սոնա Դավթյան