ԶԱՐՄԱՆՔ

Ինչ ուզում ես ասա, սակայն ՀԱԿ խմբակցության ղեկավար ԼԵՎՈՆ ԶՈՒՐԱԲՅԱՆԸ ամբողջ քաղաքական դաշտի ուրախությունն է: Նա  "համարյա երաշխավորված" է համարում, որ Սերժ Սարգսյանը նախագահի կարգավիճակով չի հասցնելու իր կածիքը հայտնել սահմանադրական փոփոխությունների հայեցակարգի վերաբերյալ: Այլ խոսքով` Զուրաբյանը համարյա երաշխավորված է համարում, որ Սերժ Սարգսյանը հրաժարական է տալու մինչեւ 2015թ.-ի մարտը: Զարմանալով հանդերձ, մնում է հարցադրել` ո՞վ է այդքան դաժանաբար խաբել Զուրաբյանին: Եթե այդպիսի բան նրան ներշնչել է Լեւոն Ակոպիչը, ապա դա իսկական սադիզմ է, քանզի դառը հիասթափությունը վրա կհասնի այն ժամանակ, երբ սկսվում են գարնանային սրացումները: Իսկ եթե դա հեղինակային միտք է, ապա մնում է հիշել Ռոբերտ Քոչարյանի ասած "ուրիշ մասնագետին":
"Ուրիշ մասնագետին" միանգամից հիշեցինք հենց որ ծանոթացանք ՀԱԿ վարչության անդամ ԶՈՅԱ ԹԱԴԵՎՈՍՅԱՆԻ մտքի փայլատակումներին. "ԵՏՄ անդամ դառնալու դեպքում մենք Ղարաբաղը տալիս ենք` առանց որեւէ կրակոցի, չմիանալու դեպքում` կրակոցով, զոհերի գնով: ԵՏՄ-ի պայմանագիրը ստորագրելուց հետո ադրբեջանական մամուլը գրեց, որ Ալիեւն առանց կրակոցի վերցրեց Ղարաբաղը: Երկկողմ համաձայնության, դավադրաբար, թե անգիտակցաբար, ամեն դեպքում դա տեղի ունեցավ: Ադրբեջանական դիվանագիտությունը հենց դա է, Ադրբեջանը ոչ մի ընտրություն չի անում` ո՛չ ԵՏՄ, ո՛չ ԵՄ: Դա թուրքային դիվանագիտության ոճն է": Զարմանալի է, ինչպես մարդ կարող է այդպես կուրորեն կրկնել ադրբեջանական քարոզչության մարազմները: Սա կամ դավաճանական միտումներ են, կամ, իրոք, Գալուստ Սահակյանի ասած` բժիշկն էլ չի օգնի:
Մեր ձախողակ "եռյակի" օրն է ընկել եւ ԲԱՐԱՔ ՕԲԱՄԱՆ: Մերիլենդ նահանգում նա չի հասցրել ավարտել իր ելույթը` ի նպաստ նահանգապետի թեկնածու Էնթոնի Բրաունի: Շուտով մարդիկ սկսել են լքել դահլիճը: Օբամայի ելույթը սկսվելուց 10 րոպե անց դահլիճի մուտքի մոտ հեռացողների հերթ է կուտակվել: Արդյունքում` նախագահը ստիպված է եղել դադարեցնել ելույթը: Դե ինչ, մշտապես հայի բախտից ենք բողոքել, սակայն մեր` նույնիսկ ամենաձախողակ, ամենաբթամիտ քաղաքական որեւէ գործչի գլխին այդպիսի փորձանք չի եկել: Ուստի, զարմանալով հանդերձ, պետք է առաջարկենք, որ այսուհետ "հայի բախտ" բառակապակցության փոխարեն օգտագործենք "Օբամայի բախտ" բառակապակցությունը:
Իսկ հիմա մի լուր, որը հետաքրքիր կլինի մեր ընթերցողներին: Երկուշաբթի սկսվեց եւ ավարտվեց "16 համասեռամոլապաշտպաններ ընդդեմ "Իրավունք" թերթի" գործով դատաքննությունը, եւ հոկտեմբերի 30-ին հրապարակվելու է վճիռը: Տեսնել էր պետք, թե "Կոնչիտայի վկաները" ինչպիսի պաթոսով ջանում էին հաստատել, թե համասեռամոլների իրավունքները պաշտպանելը լավ բան է, հետներն անգամ բերել էին փնթի տեսք ունեցող ինչ-որ եվրոպացիների, ովքեր իրենց լուսանկարչական սարքերի չխչխկոցով հունից հանեցին դատավորին: Բայց ամենահետաքրքիրն այն էր, թե դատական նիստից հետո ԿՈՆՉԻՏԱՅԱՊԱՇՏՆԵՐԸ համացանցում ինչպիսի ցնցումների մեջ էին ընկել այն պատճառով, որ մեր փաստաբան Լեւոն Բաղդասարյանը իր ելույթում օգտագործել էր "գալուբոյիզմ" բառը: Դե ինչ, ախր ցանկացած հայ մարդու համար բավականին դժվար է եւ տհաճ սովորել սրանց նորահայտ տերմինները, փորձել հասկանալ, թե ինչ է նշանակում, ասենք "ԼԳԲՏ համայնք": ԲՏ-ն գիտենք ինչ է, բայց պոչից ԼԳ կպցնելը ի՞նչ երանգով է դա հարստացնում...

Զարմացած է
ՀՈՎՀԱՆՆԵՍ ԳԱԼԱՋՅԱՆԸ