"ՀՅԴ-ԻՆ ՈՉ ՈՔ ՉԻ ԿԱՐՈՂ ՊԱՀԵՍՏԱՅԻՆ ՆՍՏԱՐԱՆԻՆ ՆՍՏԵՑՆԵԼ"

"ՀՅԴ-ԻՆ ՈՉ ՈՔ ՉԻ ԿԱՐՈՂ
ՊԱՀԵՍՏԱՅԻՆ ՆՍՏԱՐԱՆԻՆ ՆՍՏԵՑՆԵԼ"

Սահմանադրական բարեփոխումների  մասին հայեցակարգի նախագիծն արդեն հրապարակվել է: Բարեփոխումներին կողմնակից ՀՅԴ պատգամավոր ԱՐԾՎԻԿ ՄԻՆԱՍՅԱՆԸ հայտարարել էր, որ իր կարծիքը կհայտնի նախագծին ծանոթանալուց հետո միայն: "Իրավունքը" ՀՅԴ պատգամավորից պարզեց` արդյո՞ք սահմանադրական բարեփոխումների հայեցակարգի նախագիծն այն է, ինչ ակնկալում էր ՀՅԴ-ն:
Արծվիկ Մինասյանի խոսքով` հայեցակարգը մանրամասն քննարկվում  է ՀՅԴ-ի կողմից:  "Ընդհանուր առմամբ, հայեցակարգը բացահայտում է  գործող համակարգի թերությունները եւ առաջարկում լուծումների ընդհանուր ուղղությունները",-  պատասխանեց ՀՅԴ պատգամավորը:
-Փաստորեն, այդ սահմանադրական բարեփոխումներն ընդունելի՞ են Ձեզ համար:
- Ընդհանուր ուղղություններով` այո:
- Պրն Մինասյան, ՀՅԴ-ն իրեն վիրավորված չի՞ համարում, որ ՀԱԿ առաջնորդ Լեւոն Տեր-Պետրոսյանը "եռյակի"` հոկտեմբերի 10-ի հանրահավաքին  ՀՅԴ-ին փոխարինեց ՀԺԿ-ով` այսպիսով "եռյակը" ՀԺԿ-ի միջոցով "քառյակ" դարձնելով:
- Մենք բազմիցս ենք ասել եւ հիմա էլ կրկնում ենք: Իրենք ինչ ուզում են` թող անեն, ՀՅԴ-ին երբեք ոչ ոք  չի կարող պահեստային ֆոնդի նստարանին նստեցնել եւ որոշել, թե ՀՅԴ-ին ումով կարող է փոխարինել:
- ՀՅԴ-"եռյակ" համագործակցությունը կշարունակվի՞:
- Մենք` որպես ընդդիմադիր ուժ, քննարկում ենք այն հարցերը, որոնք համընկնում են "եռյակի" հետ: Իսկ եթե տեսակետների համընկնում չլինի, համագործակցություն, բնականաբար, չի լինի:

ՍՈՆԱ ԴԱՎԹՅԱՆ