Երգիչ Գուժ. «ՄԵԿ-ՄԵԿ ՆԱԽԱՆՁՈՒՄ ԵՄ ՆՐԱՆՑ, ՈՎՔԵՐ ՀԱՃԱԽ ԵՆ ՍԻՐԱՀԱՐՎՈՒՄ» (Պրեմիերա)

Երգիչ Գուժ. «ՄԵԿ-ՄԵԿ ՆԱԽԱՆՁՈՒՄ ԵՄ ՆՐԱՆՑ, ՈՎՔԵՐ

ՀԱՃԱԽ ԵՆ ՍԻՐԱՀԱՐՎՈՒՄ» (Պրեմիերա)

Երգիչ ԳՈՒԺԸ սոցցանցերում ներկայացրել է իր նոր «Օ՜հ» անունով տեսահոլովակը եւ մրցույթ հայտարարել: «Սեխմելով share, տեղադրելով այս նույն գրառումը իմ նոր տեսահոլովակի հետ միասին քո էջում, այնուհետեւ հավաքելով հնարավորինս շատ share ընկերներիդ կողմից, ովքեր ճիշտ նույնությամբ կկատարեն այս նույն գործողությունը իրենց էջում, կստանաս մրցանակ. 100 share = 10 000 դր./ 200 share = 20 000 դր. /500 share = 70 000 դր. /1000 share = 150 000 դր.», - տեղեկացնում է երգիչն ու զգուշացնում. «Անազնիվ ճանապարհով, ինչպես նաեւ կեղծ էջերից արված գործողությունները չի հաշվելու»: Նոր տեսահոլովակի պրեմիերայի կապակցությամբ, ինչպես նաեւ հայտարարված մրցույթի մասին «Իրավունքը» զրուցեց Գուժի հետ:

-Նախ խոսենք տեսահոլովակի ստեղծագործական թիմի մասին:

- Այս անգամ տեսահոլովակի ռեժիսորը ես եմ, բայց ամեն հարցում` թե՛ տեխնիկական, թե՛ այլ, ինձ շատ օգնեց օպերատոր Ռոբ Խաչիկյանը: Նաեւ, ինչպես նկատեցիք, տեսահոլովակում կար հերոսուհի, ում մարմնավորեց սպորտային լրագրող եւ մեկնաբան Հռիփսիմե Ղազարյանը: Նա նկարահանվեց  շատ ցուրտ պայմաններում, թեթեւ հագնված, ես կասեի` իսկական հերոսուհու կարգավիճակով:

- Որտե՞ղ հոկտեմբեր ամսին կամ գուցե ավելի շուտ այսպիսի ձյունառատ անտառ գտաք` նկարահանումներն իրականացնելու համար:

- Իրականում նկարահանումներն եղել են դեկտեմբեր ամսին: Ուղղակի, քաղաքից բացակայելու պատճառով անընդհատ հետաձգվում էր պրեմիերան:

- Երգի անունը «Օհ» է, իսկ հետաքրքիր է, ե՞րբ է կյանքում Գուժը բացականչում «Օ՜հ»:

- Դե ինչպես տեսնում եք երգելուց բացականչեցի «Օ՜հ» (ծիծաղում է Գուժը-հեղինակ):

- Իրականում այս տեսահոլովակը Ձեր հոգու ճի՞չն էր, թե հորինված պատմություն:

- Ճիշտն ասած, իմ բոլոր երգերը կյանքի տարբեր իրավիճակներում հաճախ հանդիպող երեւույթներ են… Կարծում եմ` բոլորի կյանքում եղել են անհասանելի երազներ, որոնք այդպես էլ չեն իրականացել ու սա հենց դրա մասին էր:

- Հաճա՞խ եք սիրուց տառապել:

- Ոչ հաճախ, քանի որ շատ հազվադեպ եմ սիրահարվում: Եվ դրա համար էլ մեկ-մեկ նախանձում եմ նրանց, ովքեր հաճախ են սիրահարվում:

- Իսկ ինչո՞վ էր պայմանավորված երկարատեւ լռությունը, քանի որ, կարծես թե, վաղուց նոր տեսահոլովակ չէիք նկարահանել:

-Չէի ասի, թե երկարատեւ լռություն էր, քանի որ երկու տարվա մեջ երեք տեսահոլովակը կարծում եմ` նորմալ է, բայց արդեն ժամանակն էր, որ ներկայացնեի նոր տեսահոլովակ: Հաջորդը կարծում եմ` կլինի ավելի ռիթմիկ:

Ի դեպ, մրցույթին մասնակցելու համար անցե՛ք հետեւյալ հղումով.

https://www.facebook.com/permalink.php?story_fbid=856360741063162&id=239953282703914

Նյութը` ՀՐԱՆՏ ՍԱՐԱՖՅԱՆԻ

Հ. Գ. –Հարցազրույցի շարունակությունը կարդացե՛ք առաջիկա տպագիր «Իրավունքում»: