ԶԱՐՈՒՀԻ ՓՈՍՏԱՆՋՅԱՆԸ` ԼԵՎՈՆ ՏԵՐ ՊԵՏՐՈՍՅԱՆԻՆ. «ԻՐ ՕՐՆ ԷԼ Է ԳԱԼՈՒ»

ԶԱՐՈՒՀԻ ՓՈՍՏԱՆՋՅԱՆԸ` ԼԵՎՈՆ ՏԵՐ ՊԵՏՐՈՍՅԱՆԻՆ. «ԻՐ ՕՐՆ

ԷԼ Է ԳԱԼՈՒ»

Ինչպես հայտնի է, «Ժառանգություն» խմբակցության պատգամավոր Զարուհի Փոստանջյանն օրեր առաջ հրապարակել էր այն քայլերը, որոնք պետք է իրականացնեն ՀԱԿ-ն ու ԲՀԿ-ն: Դրանց հրապարակումից հետո «Ժառանգության» փոխնախագահ Արմեն Մարտիրոսյանը, «Ժառանգություն» խմբակցության ղեկավար  Ռուբեն Հակոբյանն«Իրավունքի» հետ զրույցում  հայտարարեցին,  որ ՀԱԿ-ին ու ԲՀԿ-ին առաջարկված պայմանները Զարուհի Փոստանջյանի անձնական տեսակետներն են: «Զ. Փոստանջյանը շատ պարզ ասել է, որ արտահայտում է իր անձնական տեսակետը, որը կուսակցության վարչությունը չի քննարկել: Եթե դրանք ներկայացնի, վարչությունը կքննարկի, մենք էլ կասենք մեր դիրքորոշումը»,- հայտարարել էր Ռուբեն Հակոբյանը:

Արդյոք Զարուհի Փոստանջյանի ներկայացրած առաջարկներն ընդունել է «Ժառանգությունը, թե ոչ` այս եւ այլ հարցերի պատասխանները  պարզեց «Իրավունքը»«Ժառանգություն» խմբակցության պատգամավոր Զարուհի Փոստանջյանի հետ զրույցում:

-Տիկին Փոստանջյան, «Ժառանգությունն» ընդունե՞ց  ՀԱԿ-ին ու ԲՀԿ-ին ուղղված Ձեր առաջարկները:

-Մենք դեռ չենք քննարկել: Այդ առաջարկները ներկայացված են բոլորին:

-Ձեր վերջին ասուլիսի ժամանակ հայտարարել էիք, որ 1995 թ-ի Սահմանադրությունն ավտորիտար  բնույթ ունի եւ ընդունվել է կեղծիքներով ու պարտադրմամբ: Եթե հիմք ընդունեք Ձեր այս հայտարարությունը, սրանք գումարենք նաեւ այն, որ թե´մամուլի, թե´ տարբեր քաղաքական գործիչների կողմից  բազմիցս  է խոսվել է 1990-ականներին կատարված թալանի մասին, ինչո՞ւ ՀԱԿ-ից ու ԲՀԿ-ից չեք պահանջել , որ բացի ՀՀ երկրորդ եւ երրորդ նախագահներից` նաեւ առաջին նախագահ Լեւոն Տեր-Պետրոսյանին հանցագործ ճանաչեն:

-Իր օրն էլ է գալու:

- Բայց ինչո՞ւ Ձեր կողմից ներկայացված  առաջարկներում այդ կետը չեք  ներառել:

-Եթե այս խումբը (նկատի ունի «Եռյակին»-խմբ.)  ցանկություն ունի իրոք համակարգային փոփոխություն անելու, պետք է անդրադարձ կատարի նաեւ այս  հանգամանքներին: Իսկ հետո, երբ մենք անցնելու ենք անցումային արդարադատության, իհարկե, 1995, 1996  թթ-ին պետք  է գնահատական տալ:  Դա մեր պատմության մի մասն է, որը դեռ գնահատականի ու դատապարտման  չի արժանացել: Միանշանակ, արմատներն էդտեղից են գալիս: Որեւէ խնդիր չկա ինչ-որ մի բան թաքցնելու  կամ ինչ-որ մեկին խնայելու:

-Ուզում եմ հասկանալ`ինչու Ձեր պահանջներում   դա էլ չեք ընդգրկել:

-Որովհետեւ վիրահատական այս միջամտությունները բավական դժվար են: Եթե այս ուժը (նկատի ունի «Եռյակին»-խմբ.)  անջատ է Սերժ Սարգսյանից, առաջնային գործընթացը սա պետք  էլինի: Ես առաջնային քայլեր եմ ներկայացրել:

Հարցազրույցի շարունակությունը` «Իրավունք» թերթի վաղվա համարում:

Սոնա Դավթյան