ԱՐԾՎԻԿ ՄԻՆԱՍՅԱՆԸ` Լ.ՏԵՐ-ՊԵՏՐՈՍՅԱՆԻՆ. «ՀՅԴ-ԻՆ ՈՉ ՈՔ ՉԻ ԿԱՐՈՂ ՊԱՀԵՍՏԱՅԻՆ ՖՈՆԴԻ ՆՍՏԱՐԱՆԻՆ ՆՍՏԱՑՆԵԼ»

ԱՐԾՎԻԿ ՄԻՆԱՍՅԱՆԸ` Լ. ՏԵՐ-ՊԵՏՐՈՍՅԱՆԻՆ. «ՀՅԴ-ԻՆ ՈՉ ՈՔ

ՉԻ ԿԱՐՈՂ ՊԱՀԵՍՏԱՅԻՆ ՖՈՆԴԻ ՆՍՏԱՐԱՆԻՆ ՆՍՏԱՑՆԵԼ»

Սահմանադրական բարեփոխումների  մասին հայեցակարգի նախագիծն արդեն հրապարակվել է: Բարեփոխումներին կողմնակից ՀՅԴ պատգամավոր Արծվիկ Մինասյանը հայտարարել էր, որ իր կարծիքը կհայտնի նախագծին ծանոթանալուց հետո միայն:

«Իրավունքն» այսօր ՀՅԴ պատգամավոր Արծվիկ Մինասյանից պարզեց արդյոք սահմանադրական բարեփոխումների հայեցակարգի նախագիծն այն է, ինչ ակնկալում էր ՀՅԴ-ը:

Արծվիկ Մինասյանի խոսքով` հայեցակարգն մանրամասն քննարկվում  է ՀՅԴ-ի կողմից:  «Ընդհանուր առմամբ հայեցակարգը բացահայտում է  գործող համակարգի թերությունները եւ առաջարկում լուծումների ընդհանուր ուղղությունները»,- պատասխանեց ՀՅԴ պատգամավորը:

- Փաստորեն, դա սահմանադրական բարեփոխումներն ընդունելի՞ են Ձեզ համար:

- Ընդհանուր ուղղություններով` այո:

- Պրն Մինասյան, ՀՅԴ-ն իրեն վիրավորված չի՞ համարում, որ ՀԱԿ առաջնորդ Լեւոն Տեր-Պետրոսյանը «Եռյակի»` հոկտեմբերի տասի հանրահավաքին  ՀՅԴ-ին փոխարինեց ՀԺԿ-ով`այսպիսով «Եռյակը» ՀԺԿ-ի միջոցով «Քառյակ» դարձնելով:

- Մենք բազմիցս են ասել եւ հիմա էլ կրկնում ենք: Իրենք ինչ ուզում են թող անեն, ՀՅԴ-ին երբեք ոչ ոք  չի կարող պահեստային ֆոնդի նստարանին նստացնել եւ որոշի, թե ՀՅԴ-ին ումով կարող է փոխարինել:

- ՀՅԴ-«Եռյակ» համագործակցությունը կշարունակվի՞:

- Մենք որպես ընդդիմադիր ուժ քննարկում ենք այն հարցերը, որոնք համընկնում ենք «Եռյակի» հետ: Իսկ եթե տեսակետների համընկնում չլինի, համագործակցություն, բնականաբար, չի լինի:

Սոնա Դավթյան