ՎԵՐԼՈԻԾԱԲԱՆ. «ԵԹԵ ՅԱՆՈՒԿՈՎԻՉԻ ԺԱՄԱՆԱԿ «ԱՏԿԱՏԸ» ՏԱՍԸ ՏՈԿՈՍ ԷՐ, ՀԻՄԱ ԵՐԵՍՈՒՆ Է»
Արխիվ 12-16
ՎԵՐԼՈԻԾԱԲԱՆ. «ԵԹԵ ՅԱՆՈՒԿՈՎԻՉԻ ԺԱՄԱՆԱԿ «ԱՏԿԱՏԸ» ՏԱՍԸ ՏՈԿՈՍ ԷՐ, ՀԻՄԱ ԵՐԵՍՈՒՆ Է»
Այսօր «Կիեւի մայդանի մարտահրավերները որպես տարածաշրջանային անկայունության կարեւորագույն գործոն» թեմայով կազմակերպվել էր կլոր-սեղան քննարկում, որին մասնակցում էր նաեւ քաղաքական վերլուծաբան, հասարակական գործիչ Արման Աբովյանը: Նրա խոսքով` այն, ինչ տեղի է ունենում Ուկրաինայում, 23 տարվա աշխատանք է: «Ստեղծվեց այնպիսի «բարոյաէթիկական» ֆոն, որ մարդիկ իրար սկսեցին ատել, իրար սպանել»,- վերլուծում է Ա. Աբովյանը:
Թվում էր`եկեղեցին պետք է կարողանար փոխել երկրում առկա իրավիճակը, սակայն, ըստ վերլուծաբանի, Ուկրաինայի ուղղափառ եկեղեցին եւս մասնատված էր ուկրաինական, մոսկովյան ճյուղերի: Աղանդավորական կառույցները եւս ունեին իրենց առանձին դերակատարությունը:
Այն, կարծիքը, թե Ուկրաինայի նախկին նախագահ Վիկտոր Յանուկովիչը ՌԴ-ի դրածոն էր, ըստ քաղաքագետի` ճիշտ չէ, քանի որ հենց նրա ղեկավարման ժամանակ հակառուսական թեզիսներ էին առաջ քաշվում: «Ավելին, եթե Յանուկովիչի ժամանակ պետական ոլորտներում «ատկատը» տասը տոկոս էր, հիմա այն երեսուն է: Համատարած թալան է իրականացնում Ուկրաինայի ներկայիս իշխանությունը»,- մանրամասնեց վերլուծաբանը:
Ուկրաինայի նոր իշխանությունները չեն ցանկանում պահպանել Ուկրաինան, փրկել իրենց ազգը, բանակցել ընդվզող ռուս ազգաբնակչության հետ. «փոխանակ նրանց հետ կլոր սեղան նստելու, բանակցելու, փոխզիջումային տարբերակ գտնելու, սկսեցին ռմբակոծել Դոնեցկն ու Լուգանսկը»:
Սոնա Դավթյան
1
3130 դիտում
2
2479 դիտում
3
2118 դիտում
4
1707 դիտում
5
1668 դիտում
