ՙՀՈՄՈՍԵՔՍՈՒԱԼԻԶՄԸ` am ԻՆՏԵՐՆԵՏ-ՏԻՐՈՒՅԹՈՒՄ

ՀՈՄՈՍԵՔՍՈՒԱԼԻԶՄԸ` am ԻՆՏԵՐՆԵՏ-ՏԻՐՈՒՅԹՈՒՄ

Արի ու տես, որ հոմոսեքսուալիզմի քարոզչամեքենան ժանտախտի պես լայն տարածում է գտնում ամենուր: Իսկ անհայտ կամ խիստ հայտնի աղբյուրներից սնվող ՀԿ-ներ, անհատներ տուրք են տալիս այդ ամենին ու հայկական ավանդական արժեհամակարգը խեղելու համար գործի դնում սեփական լծակները: Մեղավորներ հեռու փնտրել պետք չէ, հոմոսեքսուալիզմի քարոզչության դեմ օրենսդրական նախաձեռնություն է անհրաժեշտ: Եվ այսպես, am ինտերնետ-տիրույթում հայտնվել է ԼԳԲՏ "համայնքին" պատկանող համասեռամոլություն քարոզող հայկական կայք (հատուկ չենք նշում կայքի անունը, որպեսզի չգովազդենք այս խայտառակ որջը): Իսկ թե այն կասեցնելու ուղղությամբ ի՞նչ քայլեր կձեռնարկեն ոլորտի մասնագետները, "Իրավունքը" պարզեց տեղեկատվական անվտանգության փորձագետ ՍԱՄՎԵԼ ՄԱՐՏԻՐՈՍՅԱՆԻՑ.
-Am տիրույթն իր հստակ կանոնադրությունն ունի: Այն կարգավորողը, ղեկավարողը Հայաստանում "Ինտերնետ-հանրություն" ՀԿ-ն է, որն իրավունք ունի եւ անում է կասեցում դոմեյնների, իհարկե, եթե դրանք հակասում են ՀՀ օրենսդրությանը: Օրինակ, եթե պոռնոգրաֆիկ, ռասիստական կամ ահաբեկչական, ադրբեջանական քարոզչություն իրականացնող հայկական կայք բացեն, ապա դրանք կասեցվելու են: Իսկ ձեր նշած կայքը ոչ մի օրենքի չի հակասում, այսինքն` ոչ մի կասեցման մասին չի կարող խոսք լինել` ելնելով կանոնադրությունից: Եվ, ըստ էության, եթե կայքը կասեցվի, դա կնշանակի դոմեյնի կարգավորման հետ կապված խախտում:
- Փաստորեն, ստացվում է, որ նրանք կարող են իրենց քարոզչությունն իրականացնե՞լ, եւ որեւէ մեկը չի՞ կարող նրանց դեմն առնել:
- Իրականում, եթե ինչ-որ մեկին ինչ-որ կայք դուր չի գալիս, կայքի փակելը խնդիրը չի լուծում, որովետեւ շատ հեշտ այդ կայքը կարելի է բացել com տիրույթում: Եթե հիշում եք, արտակարգ դրության հետ կապված` 2008 թվականի մարտին ինչ-որ կայքեր փակվեցին, բայց դա արդյունք չտվեց, որովհետեւ այդ կայքերը am-ից պարզապես միգրացիա արեցին դուրս, այսինքն` am-ը դարձավ "անվստահելի" տիրույթ: Այնպես որ, եթե ինչ-որ մեկը խնդիր է տեսնում այս հարցում, այն լուծում չունի:

ՀՐԱՆՏ ՍԱՐԱՖՅԱՆ