Երեւանի Ծարավ աղբյուր փողոցի հարեւանությամբ գտնվող գնացքի գծերի մոտ երիտասարդ տղամարդու դիակը հայտնաբերվել էր հոկտեմբերի 11-ին: 24-ամյա Լեւոն Բունիաթյանը սպանվել էր ձախ քունքին արձակած հրազենային կրակոցից: Մարդասպանը հայտնաբերվել էր, եւ հանցագործությունը կարելի կլիներ համարել բացահայտված, եթե չլինեինª պաշտոնական լրատվության եւ լրագրողական "հետաքննության" միջեւ "չնչին" հակասություննեը...
Ըստ NEWS.am-իª "...Երիտասարդի սպանությունը տեղի էր ունեցել տաքսի մեքենայի մեջ` հենց վարորդի ներկայությամբ: Սրահում ոմն Գալուստով կրակել է նրա վրա, այնուհետեւ դին տեղափոխել Քանաքեռ` գծերի մոտ ու ասել, որ դեռ մի հոգու էլ պետք է սպանի": Տղամարդիկ իրար մեջ հալալ չէին կիսել "ոսկու գործի" եկամուտները: Ոստիկանության կողմից հանրությանը հրամցված տեղեկությունների համաձայնª իր առջեւ երկրորդ անձին սպանելու նպատակ դրած Տարոն Գալուստովն ինքնակամ ներկայացել էր իրավապահներինª վերջիններիս կողմից տարված բացատրական աշխատանքների արդյունքում: Հանցագործության ականատես տաքսու վարորդի մասինª ոչ մի խոսք: Այս պահին հարուցված է քրեական գործ. Տարոն Գալուստովին առաջադրվել է մեղադրանք ՀՀ քրեական օրենսգրքի 104-րդ (սպանություն) հոդվածի 1-ին եւ 235-րդ (ապօրին զենք պահելը) հոդվածի 1-ին մասով: Ավելորդ չէ նշել նաեւ, որ քրեական գործը հարուցվել է ՀՀ քննչական կոմիտեի Երեւան քաղաքի քննչական վարչությունում:
1
3139 դիտում
2
2479 դիտում
3
2118 դիտում
4
1714 դիտում
5
1688 դիտում
