ՈՐՔԱՆՈՎ Է ՍԱՀՄԱՆԱԴՐԱԿԱՆ ԵՏՄ-ԻՆ ՀԱՅԱՍՏԱՆԻ ԱՆԴԱՄԱԿՑՈՒԹՅՈՒՆԸ

ՈՐՔԱՆՈՎ Է ՍԱՀՄԱՆԱԴՐԱԿԱՆ ԵՏՄ-ԻՆ ՀԱՅԱՍՏԱՆԻ ԱՆԴԱՄԱԿՑՈՒԹՅՈՒՆԸ

Մի շարք անձանց հետաքրքրում է, թե որքանով է իրավաչափ ՀՀ նախագահի անակնկալ հայտարարությունը` Մաքսային միություն մտնելու, այնուհետեւ` ստորագրելու Եվրասիական տնտեսական միություն մտնելու պայմանագիրը, արդյոք դրա հետ կապված անհրաժեշտություն չկար` անցկացնել հանրաքվե:
ՀՀ Սահմանադրությամբ հանրապետության նախագահն իրավամբ համարվում է երկրի գլուխը:
ՀՀ հիմնական օրենքի 55-րդ հոդվածի 7-րդ կետի ուժով հանրապետության նախագահն օժտված է ներկայացուցչական ֆունկցիաներով եւ ունի բացառիկ իրավասություն` ներկայացնելու Հայաստանի Հանրապետությունը միջազգային հարաբերություններում, կնքելու միջազգային պայմանագրեր` Ազգային ժողովի վավերացմանը ներկայացնելով, ինչպես նաեւ ստորագրելով դրանց վավերագրերը: Կարծում եմ, որ ՀՀ նախագահի կողմից Մաքսային միության վերաբերյալ հայտարարությունը, այնուհետեւ Եվրասիական տնտեսական միության միջազգային պայմանագիրն ստորագրելը համահունչ է գործող Սահմանադրությանը` երկրի հիմնական օրենքին:
Կարեւոր եմ համարում հղում կատարել ՀՀ Սահմանադրության 1-ին հոդվածին. ՙՀայաստանի Հանրապետությունը ինքնիշխան... պետություն է՚: Ինքնիշխան բառը պետության նկատմամբ պաշտոնապես առաջին անգամ կիրառվել է ֆրանսիացի ականավոր գործիչ Ժան Բադենի կողմից, որը նշանակում է սուվերեն (անկախ):
Հատկանշական է, որ Սահմանադրության 114 հորդվածի ուժով սույն իրավանորմը փոփոխման ենթակա չէ: Այսինքն, բոլոր այն պնդումները, թե Եվրասիական տնտեսական միության միջազգային պայմանագիրը կնքելով` Հայաստանը կորցնում է ինքնիշխանությունը` իրավաչափ չէ այնքանով, որքանով հակասելու է գործող Սահմանադրության 1-ին հոդվածի պահանջին:
Ինչ վերաբերում է Եվրասիական տնտեսական միությանը Հայաստանի Հանրապետության անդամակցությանը, ապա երբ Հայաստանը, որպես ռազմական գլխավոր դաշնակցի, մեկ այլ միջազգային պայմանագրով կարեւորել է Ռուսաստանի Դաշնությանը, որը Եվրասիական միության հիմնադիր եւ, ըստ էության, գլխավոր երկիրն է, ապա պարտադրված է տնտեսական հարթության վրա այլ երկրների թվում եւս` պարտադիր տեսնելու Ռուսաստանի Դաշնության հետ տնտեսական հարաբերությունները:

ԼԵՎՈՆ ՍՈԽԱԿԻ ԲԱՂԴԱՍԱՐՅԱՆ
ՙԼեւ գրուպ՚ փաստաբանական գրասենյակի
հիմնադիր նախագահ
www.levgroup.am
Հարցեր կարող եք ուղարկել նաեւ
[email protected] հասցեով