ԵՌՅԱԿԻ ԼԻԴԵՐՆԵՐԸ ԺԱՄԱՆԵՑԻՆ 20 ՐՈՊԵ ՈՒՇԱՑՈՒՄՈՎ. ՏԵՍԱՆՅՈՒԹ

Արխիվ 12-16 10 Հոկտեմբեր, 2014 15:58

ԵՌՅԱԿԻ ԼԻԴԵՐՆԵՐԸ ԺԱՄԱՆԵՑԻՆ 20 ՐՈՊԵ ՈՒՇԱՑՈՒՄՈՎ. ՏԵՍԱՆՅՈՒԹ

Հանրահավաքից րոպեներ առաջ, տեղի ունեցավ հարձակում iravunk.com կայքի վրա, սակայն դա չխոչընդոտեց մեզ`ներկայացնելու այն, ինչ տեղի է ունենում հանրահավաքի ժամանակ: Նախ սկսենք նրանից, որ հանրահավաքը սկսեց 20 րոպե ուշացումով, քանի որ ըստ ԲՀԿ մամուլի պատասխանատու Տիգրան Ուրիխանյանի իրենց լիդերները դեռ չեն ներկայացել: 20 րոպե անց հանրահավաքի վայր եկան ԲՀԿ առաջնորդ Գագիկ Ծառուկյանը եւ ՀԱԿ առաջնորդ, ՀՀ 1-ին նախագահ Լեւոն Տեր-Պետրոսյանը, ով շուրջ 6,5 տարի առաջ այդ նույն հարթակից լուրջ մեղադրանքներ էր ներկայացնում ԲՀԿ առաջնորդին, համարելով նրան մարտի մեկի արյունահեղության կազմակերպիչներից մեկը: Հանրահավաքին ավելի ուշ ներկայացավ նաեւ «Ժառանգության» առաջնորդ Րաֆֆի Հովհաննիսյանը, ով սակայն բավական հեռու էր իրեն պահում մյուս երկու լիդերներից: Ինչեւէ, հանրահավաքի ընթացքում նկատեցինք հոգեպես անհավասարակշիռ մարդկանց: Մի կին ոչ սթափ վիճակում որքան հնարավոր էր բարձր գոռում էր «Սերժիկ հեռացիր, Ծառուկյան նախագահ»: Կնոջ տարօրինակ պահվածքը նկատեցին նաեւ միտինգավորները, նրանցից մեկը, ում ձեռքին դրոշակ կար, ոչ տարավ ոչ բերեց դրանով հարվածեց կնոջ գլխին, որպեսզի վերջինս սթափվի: Իրավիճակը գնալով ավելի լարվեց եւ որպեսզի լրագրողները չնկատեն այդ ամենը, մի խումբ երիտասարդներ, հավանաբար ԲՀԿ-ական թեւից, մոտեցան եւ շրջապատեցին կնոջը, հեռու պահելով նրան լրագրողների աչքից, սակայն «Իրավունքի» խցիկը արձանագրել է անհայտ կնոջ տարօրինակ պահվածքը:

ՍՈՆԱ ԴԱՎԹՅԱՆ