«ԽԱՉԱՏՐՅԱՆԸ ԵՐԲԵՔ ՔՐԵԱԿԱՆ ՏԱՐՐՈՎ ԱՆՁՆԱՎՈՐՈՒԹՅԱՆ ՉԷՐ ՆՇԱՆԱԿԻ ԻՐԵՆ ՕԳՆԱԿԱՆ»

«ԽԱՉԱՏՐՅԱՆԸ ԵՐԲԵՔ ՔՐԵԱԿԱՆ ՏԱՐՐՈՎ

ԱՆՁՆԱՎՈՐՈՒԹՅԱՆ ՉԷՐ ՆՇԱՆԱԿԻ ԻՐԵՆ ՕԳՆԱԿԱՆ»

«Մամուլի հրապարակումները միշտ չէ, որ լիովին համապատասխանում են րականությանը: Ես ինքս անձամբ Զարզանդին ճանաչում եմ, որպես նորմալ, շնորհքով անձնավորություն: Ես չեմ կարող իր  մեջ ինչ-որ քրական տարր տեսնել, նա չի էլ համապատասխանում որեւէ քրեական տարրի չափանիշների, Զարզանդը նորմալ, շհփվող անմիջական մարդ է: Ինչ վերաբերում է վերոնշյալ խոսակցություններին, ապա վստահեցնում եմ Ձեզ, որ Սուրիկ Խաչատրյանը երբեք քրեական տարրով անձնավորության չէր նշանակի իրեն օգնական, ամոթ է: Ուղղակի մամուլը սովոր է չեղած բանից մեծ բան սարքել, միակ խնդիրը սա է: Նման խոսակցություն տարածողները այն մարդիկ են, ովքեր տեսնում են մեր մարզպետի կատարած աշխատանքները, բայց չեն ցանկանում արտահայտվել»,-անդրադառնալով այսօր մամուլում տեղ գտած այն լուրերին, ըստ որի Սյունիքի մարզպետը իրեն օգնական է նշանակել քրեական անցյալով հայտնի նախկին օգնականին iravunk.com-ի հետ զրույցում ասաց Գորիսի ԱԺ ՀՀԿ խմբակցության պատգամավոր ՀԱՅԿ ԳՐԻԳՈՐՅԱՆԸ:

Ապա անդրադառնալով Սուրիկ Խաչատրյանի մարզում ծավալած գործունեությանը պատգամավորը նկատեց.

- Պարոն մարզպետը առաջին իսկ օրվանից հանձն է առել զբաղվել սյունեցիներին մտահոգող խնդիրներով: Հենց իր ջանքերով, ինչու չէ նաեւ իր հանդեպ տածած հարգանքի շհնորհիվ սյունեցի հացարտադրող գործարները հացի քաշը նույնը թողելով, նվազեցրել են գինը: Իսկ երեկ Սյունիքի մարզպետ Սուրիկ Խաչատրյանը Սիսիանում անցկացրել է հանդիպում խորհրդակցություն Սիսիանի տարածաշրջանի դեղատների տնօրենների հետ, որի ընթացքում քննարկվել են տնտեսական հաշվարկների պահպանմամբ ազգաբնակչությանը հասանելի դեղորայքի մատակարարման հարցեր: Ինչպես Սյունիքի մարզի մնացած բնակավայրերում, այնպես էլ Սիսիանի տարածաշրջանում դեղատներն այսուհետ առաջին անհրաժեշտության դեղամիջոցներն ազգաբնակչությանն հասանելի կդարձնեն 10%-ով էժան: Ես Ձեզ ավելին ասեմ, այս ամենը հնարավոր էր նաեւ մինչ Սուրիկ Խաչատրյանը անել, բայց ոչ ոք չուներ այն ճիշտ աշխատանքային մոտեցումները, որոնց տիրապետում է Սերգեւիչը:

ԻԼՈՆԱ ԱԶԱՐՅԱՆ