ԷԲՈԼԱՆ ՉԻ ՀԱՍԵԼ ՀԱՅԱՍՏԱՆ

ԷԲՈԼԱՆ ՉԻ ՀԱՍԵԼ ՀԱՅԱՍՏԱՆ

ԱՄՆ նախագահ Բարաք Օբաման, ոչ ավել-ոչ պակաս, Էբոլա վիրուսը համարում է ներկայումս մարդկության առջեւ ծառացած հիմնական մարտահրավերներից մեկը: Իհարկե, միայն ժամանակը ցույց կտա, թե այս մարտահրավերն ինչքանով է լուրջ: Նկատի ունենք, որ ժամանակին միջազգային առողջապահական կառույցներն էլի նման մի քանի ՙանհաղթահարելի՚ վիրուսային ՙմարտահրավերներ՚ հրամցրեցին մարդկությանը: Արդյունքումª ոմանք միլիարդներով փող աշխատեցին ահաբեկված ՙհամաշխարհային հանրության՚ հաշվին, եւ վերջ, պարզվեց, որ սովորական գրիպը շատ ավելի մեծ վտանգ է պարունակում:
Բայց նաեւ կա այն տարբերակը, որ Էբոլան իրոք լուրջ վտանգ է ներկայացնում: Մինչդեռ, արդեն կան փաստեր, որ եվրոպական տարբեր երկրներում սկսել են վարակվել մարդիկ, ովքեր ոտքներն անգամ Էբոլայի հայրենիք Աֆրիկա չեն դրել: Այսինքնª շատ մեծ է վտանգը, ավելի կոնկրետª մասնագետներն արդեն իսկ ժամկետներ են նշումն, թե երբ վարակը կհասնի Եվրոպա ու Ամերիկա: Դե որ դրանից հետո դեռ հեռու թվացող այդ վտանգը միանգամից օրակարգային կդառնա բոլորի, այդ թվումª Հայաստանի համար, արդեն կասկածից դուրս է: Եվ, բնականաբար, արդեն իսկ առաջ է եկել այն հարցը, թե ինչպես ենք պաշտպանվելու:
ՀՀ առողջապահության նախարարությունը վստահեցնում է, որ արդեն իսկ ձեռնարկել է բոլոր հնարավոր միջոցառումները` Էբոլա վիրուսի Հայաստան ներթափանցումը կանխելու համար: Մասնավորապես` պետական սահմաններին ուժեղացվել է հսկողությունն ուղեւորների նկատմամբ, ՙԶվարթնոց՚ միջազգային օդանավակայանում դրված են ջերմացույցեր, որոնք հնարավորություն են տալիս երկու մետր հեռավորության վրա որոշել` արդյոք տվյալ ուղեւորն ունի± ջերմություն, թե ոչ: Այս ամենի մասին մեզ հետ զրույցում ասաց ՀՀ ԱՆ հիվանդությունների վերահսկման եւ կանխարգելման ազգային կենտրոնի հատուկ վտանգավոր եւ օդակաթիլային վարակների համաճարակաբանության բաժնի պետ ԼԻԱՆՆԱ ԹՈՐՈՍՅԱՆԸ:
- Այն երկրները, որտեղ Էբոլան տարածված է, ուղիղ թռիչք չունեն Հայաստանի հետ, եւ եթե այդ պետություններից, անգամ մեկ ուղեւոր է տարանցիկ ճանապարհով անցնում Հայաստանով, ապա նա նախ մեկ անգամ բուժհսկողության է ենթարկվում տվյալ երկրում, ապա` Հայաստանում:
- Առհասարակ, ինչպես է այդ վարակը փոխանցվում:
- Էբոլա վիրուսով հարուցված հիվանդությունը սուր ընթացքով վարակիչ հիվանդություն է եւ իննսուն տոկոսից եւ ավելի դեպքերում ավարտվում է մահով:
Էբոլան սկսվում է գրիպանման երեւույթներով եւ ավարտվում ընդհուպ  արյունահոսություններ, արյան զեղումներ, եւ հետագայում արդեն կրծքավանդակի սուր ծակոցներ, որն առաջացնում է սիրտ-անոթային անբավարարվածություն, եւ արդյունքում գրանցվում է մահ:
Էբոլան ձեւավորվել է հարավ-ասիական երկրներում, եւ վարակի աղբյուրը ընտանի թռչուններն են, չղջիկները, վարակը մարդկանց փոխանցվում է կապիկների, խոզերի, այծյամների միջոցով եւ այլն: Մարդն այս տենդով հիվանդանում է հիվանդ մարդու, նրա կենսաբանական արտազատուկների, արյան, ախտահարված օրգանների, նաեւ` շրջապատի առարկաների հետ շփման միջոցով: Միակ ուրախալի փաստն այն է, որ  այս վարակը չի փոխանցվում օդակաթիլային ճանապարհով:
Արդեն արձանագրվել է հիվանդության 5 864 դեպք, որից 2 811-ը` մահացու ելքով: Ցավոք, այն երկրներում, որտեղ Էբոլա վիրուս է հայտնաբերվել, բուժաշխատողների շրջանում եւս վարակման դեպքեր են արձանագրվել` 240 դեպք, որից 120-ը մահացու ելք է ունեցել: Ամեն դեպքումª վիրուսը տարածված է աֆրիկյան երկրներում, եւ մենք այնքանով ենք պաշտպանված, որ այդ երկրներից ուղիղ չվերթներ Հայաստան չկան: Բայց, ցավոք, ոչ մի հարուցիչ այս կամ այն երկիր մուտքի արտոնագիր չի ուզում: Ըստ այդմª հանգիստ լինել էլ չենք կարող, որովհետեւ վիրուսը կարող է հիվանդության գաղտնի շրջանում գտնվող մարդկանց միջոցով հասնել մեզ: Այսինքնª հաշվի առնելով վիրուսի ակտիվ միգրացիան, չի բացառվում, որ մեր երկիր էլ գա:
- Ինչպես ժամանակին տարբերել գրիպը Էբոլայից:
- Երկու օրից հետո սկսվում է արյան զեղումների շրջանը, մաշկային ծածկույթների վրա առաջանում են արյունահոսություններ: Հենց այս ախտանիշով պետք է տարբերել էբոլան գրիպից:
- Ինչ խորհուրդ կտաք հանրությանը, ինչպես զերծ մնան Էբոլա վիրուսով վարակվելուց:
- Հիվանդությունը կանխարգելելու համար հաճախակի պետք գտնվել մաքուր օդում, առողջ սնունդ օգտագործել, պարբերաբար լվացվել, կենցաղը մաքրել խոնավ միջոցներով եւ այլն: Հիվանդության նախանշանների դեպքում  անհրաժեշտ է անմիջապես դիմել բժշկի, այլ ոչ թե զբաղվել ինքնաբուժմամբ: Առավել եւս պետք չէ հակաբիոտիկներ օգտագործել, ինչպես որ հաճախ անում են մեր քաղաքացիները, քանի որ հակաբիոտիկները ոչնչով չեն ազդում վիրուսների վրա. ազդում են մանրէների վրա: Հիվանդությամբ վարակվելու հետ կապված` հատկապես խոցելի խմբերն են երեխաները եւ տարեցները, քանի որ նրանց մոտ իմունային համակարգը թույլ է, իսկ հղի կանայք, առավել եւս, գրիպի առաջին իսկ կասկածների դեպքում պետք է դիմեն գինեկոլոգին` հետագա բարդություններից խուսափելու համար:

ԻԼՈՆԱ ԱԶԱՐՅԱՆ