ՙՍՏԱՑՎՈՒՄ Է` ՄԻ ՕՐ ԸՆԴԴԻՄՈՒԹՅՈՒՆ ԵՆ, ՄԻ ՕՐ` ԻՇԽԱՆՈՒԹՅՈՒՆ՚

ՙՍՏԱՑՎՈՒՄ Է` ՄԻ ՕՐ ԸՆԴԴԻՄՈՒԹՅՈՒՆ ԵՆ, ՄԻ ՕՐ` ԻՇԽԱՆՈՒԹՅՈՒՆ՚

Այնուամենայնիվ, ոչ իշխաական ՙեռյակը՚ մնաց անդրդվելի եւ որոշեց Հայաստանի` Մաքսային միության անդամակցման վավերացումը նշել Ազատության հրապարակում: Ի վերջո, արդյոք սա պատահականություն էր, թե մտածված բողոք, ՙԻրավունքը՚ պարզեց ՀԿԿ առաջին քարտուղար ՏԱՃԱՏ ՍԱՐԳՍՅԱՆԻ տեսակետը.
-Ինձ թվում է` դա պատահական զուգադիպություն չէ: Միգուցե մտացածին է, որպեսզի մեկ անգամ եւս իրենց բացասական վերաբերմունքն արտահայտեն կամ խանգարեն ՀՀ-ի` Մաքսային միության անդամակցմանը: Չնայած` դա իրենց կուսակցությունների գործն է, բայց մենք համարում ենք այն ոչ ճիշտ: Եվ մեր դիրքորոշումը` Մաքսային միության վերաբերյալ, հաստատակամ է: Մենք ողջունել ենք ՄՄ անդամակցումը եւ ողջունում ենք իշխանութունների այդ քայլը:
- Ըստ Ձեզ, կհաջողվի ոչ իշխանական ՙեռյակին՚ ՄՄ անդամակցմանն ընդառաջ` շիկացնել ներքաղաքական իրավիճակը:
- Իհարկե, նրանց նպատակը դա է: Բայց ինձ թվում է` գնալով ժողովուրդն ավելի է կողմնորոշվում ու առաջիկայում կհասկանա, թե բանն ինչում է: ՙԵռյակի՚ խոսակցություններից ստացվում է` մի օր ընդդիմություն են, մի օր` իշխանություն: Իսկ ՙեռյակում՚ առանձին մարդիկ հետապնդում են անձնական շահեր: Այնպես որ, դժվար թե նրանց հաջողվի, որովհետեւ ժողովուրդն ավելի բանիմաց է դարձել, եւ քաղաքական իրավիճակին իրատեսորեն է մոտենում:
- Ամեն դեպքում, ժողովուրդը կգնա± այդ հանրահավաքին:
- Ժողովուրդը, կարծես թե, զբաղմունք չունի, բայց ունի ազատ ժամանակ եւ այդ իմաստով կարող է գնալ, որպեսզի ժամանակ անցկացնի:

ՀՐԱՆՏ ՍԱՐԱՖՅԱՆ