«ԱՅՍ ԱԺ-Ն ՊԱՏՈՒՀԱՍ Է ԺՈՂՈՎՐԴԻ ՀԱՄԱՐ». «ԱՆԱՆԻԱ ՇԻՐԱԿԱՑԻ» ԿՐԹՕՋԱԽԻ ՆԵՐԿԱՅԱՑՈՒՑԻԸ՝ՎՊ-Ի ՀԱՇՎԵՏՎՈՒԹՅԱՆ

«ԱՅՍ ԱԺ-Ն  ՊԱՏՈՒՀԱՍ Է ԺՈՂՈՎՐԴԻ ՀԱՄԱՐ». «ԱՆԱՆԻԱ ՇԻՐԱԿԱՑԻ» ԿՐԹՕՋԱԽԻ ՆԵՐԿԱՅԱՑՈՒՑԻԸ՝ՎՊ-Ի ՀԱՇՎԵՏՎՈՒԹՅԱՆ ՄԱՍԻՆ

Վերջերս ԱԺ Գիտության, կրթության, մշակույթի, սպորտի եւ երիտասարդության հարցերի հանձնաժողովի նիստում քննարկվեց Վերահսկիչ պալատի 2013-ի հաշվետվությունը, որտեղ ի թիվս այլ խախտումների  խոսվում էր կրթական որոշ հաստատություններում առկա չարաշահումների մասին: Այդ հաստատություններից մեկն էլ  «Անանիա Շիրակացի» կրթահամալիրն է, որտեղ արձանագրվել էր 147 մլն դրամի խախտում: «Իրավունքը» կրթահամալիրի տնօրենի ֆինանսական խորհրդատու Դավիթ Անանյանից  պարզեց՝ ինչ խախտումների մասին է խոսքը եւ ինչպես են արձագանքում  այն պատգամավորների հայտարարություններին, որոնք այդ ամենը որակեցին քրեական  հանցագործություն:

Ըստ Դավիթ Անանյանի՝  ֆինանսական խախտում  իրենց  կրթահամալիրը չի արել: «Եկեք խոսենք նախ եւ առաջ խախտումների ընդհանուր թվի՝ 355 մլն դրամի մասին: ՎՊ-ը չի պնդում, որ 355 մլն դրամը ենթակա է  վերադարձման պետբյուջե, քանի որ դա խախտում կամ չարաշահում չէ: Այդ մասին հայտարարեց հենց Իշխան Զաքարյանը:  ՎՊ-ի մասնագետները այդ թվային  հաշվարկներն իրականացրել են ՀՀ կառավարության  2006 թ-ի 1279, 2002 թ-ի 2179 որոշումների համաձայն   եւ ԿԳ նախարարի համատեղ հրապարակված համատեղ 2008-ի   հրամանով հաստատված օրինակելի կանոնադրությամբ:  2009 թ-ին ընդունվել է  հանրակրթության մասին օրենքը, ըստ որի՝ լիազոր մարմինը՝ այսինքն ԿԳՆ-ը մի շարք ակտեր պետք է հրապարակեր, որոնք պետք է փոխարինեին իմ կողմից մատնանշված  2006, 2002, 2179, 2008 թթ-ին ընդունված իրավական ակտերին:  Բայց  ԿԳ նախարարությունը թերացել է  եւ այդ  գործընթացը չի իրականացրել»,- պարզաբանեց մեր զրուցակիցը:

Ինչ վերաբերում է  այն պատգամավորների հայտարարություններին, որոնք   ՎՊ-ի կողմից արձանագրված խախտումները որակեցին քրեական  հանցագործություն, Դավիթ Անանյանի խոսքով այդ գնահատականները պրոֆեսիոնալ  չեն. «Ընդհանրապես  այսօրվա ԱԺ-ը  պատուհաս է  էս ազգի համար: Ինչ-որ բան որակելուց առաջ  ամեն  լավ կլինի կատարեր իր պարտականությունները, նոր փորձի որակումներ տալ»:

Պատգամավորների այդ որակումները նաեւ կրթահամալիրի տնօրեն Սշոտ Ալիխանյանի սրտով չեն.«Քրեական հանցագործություն բառակապակցությունն էնքան հեշտէ  ասել: Մի հատ խորացեք, տեսեք՝ իրականում ինչ է կատարվում: Ես բացասական եմ վերաբերվում կրթական  հաստատությունների մասին նման հայտարարություններին: Էսպես ասեմ. թող գնան  ԿԳ նախարարությունից սկսեն, որովհետեւ  մեզ չէին ստուգել, այլ ԿԳ նախարարությանը»:

Սոնա Դավթյան